نیڤین حه‌سه‌ن: هیڤیا من ئه‌وه بشێم هاریكاریا كه‌سێن هه‌ژار بكه‌م
دهۆك، شاكر ئه‌تروشی:
نیڤین حه‌سه‌ن، پێشكێشكارا به‌رنامێ (بێده‌را خێرا) ل كه‌نالێ نۆبار تیڤی، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووك دا من حه‌ز ژ كارێن خێرخوازی دكر و هه‌رده‌م من دڤیا هاریكاریا كه‌سێن هه‌ژار و كێم ده‌رامه‌ت بكه‌م، له‌ورا به‌ری هاتنا هه‌یڤا ره‌مه‌زانا پیرۆز مه هزر دڤی به‌رنامه‌ی دا كر و مه ڤیا به‌رنامه‌كێ جیاواز بیت، ئانكو ل شوونا رۆندكان ئه‌م خۆشی و گرنژینێ بێخینه سه‌ر لێڤێن وان مالان ئه‌وێن ئه‌م سه‌ره‌دانا وان دكه‌ین و هیڤیا من ئه‌وه پشتی ره‌مه‌زانێ ژی ئه‌ڤ به‌رنامه یێ به‌رده‌وام بیت و پشتی ڤی به‌رنامه ژی من گه‌له‌ك پلان و پرۆژێن دی هه‌نه، هه‌موو ژی ئه‌ون یێن بینه‌ر حه‌ز ژێ دكه‌ن.
نیڤینێ گۆت: بۆ هه‌موو كار و به‌رنامێن من دایكا من (سهام ماجد) پشته‌ڤانا ئێكێ و سه‌ره‌كی یه، ئه‌و بۆ من ل سپۆنسه‌ر و مالێن هه‌ژاران دگه‌ڕیێت، ئانكو ئاماده‌كار و سه‌رپه‌رشتا هه‌موو كار و به‌رهه‌مێن منه، و هیڤیا من ئه‌وه رۆژه‌ك بهێت ده‌ستێ من به‌رفره‌ه بیت و ئه‌ز ب خوه بشێم هاریكاریا كه‌سێن هه‌ژار و كێم ده‌رامه‌ت بكه‌م و ئه‌ز یا گه‌شبینم دێ ئه‌و رۆژ هێت.
نیڤین، ده‌رچوویا پشكا مۆزیكێ یه ل په‌یمانگه‌ها هونه‌رێن جوان ل دهۆكێ، دژیه‌كێ بچووكدا ریكلام چێكرینه، هه‌روه‌سا ستران ژی بۆ زارۆیان گۆتینه، زێده‌باری پێشكێشكرنا چه‌ندین به‌رنامه و میتینكێن جودا.
