ئه‌ركان: راپێ پتر ئازادیا خوه هه‌یه
هه‌ولێر، سولین سلێمان:
راپبێژ (ئه‌ركان) كوخه‌لكێ پارێزگه‌ها دهۆكێ یه و ئه‌ڤه چه‌ند سالن ل وه‌لاتێ ئه‌لمانیا دژیت، د دیداره‌كێ دا بۆ رۆژناما ئه‌ڤرۆ دیاركر كو سالا 2009 وی ده‌ست ب سترانگۆتنێ كریه و ب ستایلێ راپ دبێژیت و پشتی ساله‌كێ كلیپا خوه یا ئێكێ ب ناڤێ (من نه ئێشینه) به‌لاڤكریه.
ئه‌ركانی گۆت: من بخوه په‌یڤ و ئاواز بۆ خوه چێدكرن، هه‌روه‌سا من په‌یڤ داینه گه‌له‌ك سترانبێژان ژی، ژبه‌ر هندێ من ده‌ست ب سترانگۆتنێ كر و ستایلێ راپ هه‌لبژارت، چنكو راپێ پتر ئازادیا خوه هه‌یه، بۆ زانین هه‌تا نوكه من نێزیكی حه‌فتێ تراكان وه‌ك كلیپ یان ده‌نگ به‌لاڤ كرینه، به‌لێ هه‌تا نوكه من چو ئه‌لبۆم چێ نه‌كرینه، چنكو مافێن هونه‌رمه‌ندان نه دپاراستی نه،
