فلمێ سه‌بایا خه‌لاته‌كێ دی یێ جیهانی وه‌رگرت
دهۆك، زنار تۆڤی:
ده‌رهێنه‌ر هۆگر هرۆری، د دیداره‌كێ دا بۆ رۆژناما ئه‌ڤرۆ گۆت: فلمێ دكیۆمێنتاری (سه‌بایا) كو ژ ده‌رهێنانا منه و91 خوله‌كان یێ درێژه، ل سه‌ر خه‌باتا دو ئه‌ندامێن مالا ئێزدیانه ل رۆژئاڤایێ كوردستانێ، وان هه‌ردو ئه‌ندامێن مالا ئێزدیان خۆبه‌خش كار كرینه و كارێ وان ئه‌و بوو، كو ئه‌و ژن و كچێن ئێزدی یێن ل ژێر ده‌ستێ داعشێ دا رزگار بكه‌ن و د گه‌هاندنه دناڤا كه‌سوكارێن وان دا، نوكه ژی ئه‌و فلمه یێ پشكداره د چه‌ندین فلمه فیسته‌ڤالێن جیهانی دا.
ناڤهاتی گۆت: ڤی فلمی خه‌لاتێ باشترین فلم یێ ب ناڤێ (بیگ ستامب) ل فلمه فیسته‌ڤالا زاگره ب دۆكس ل وه‌لاتێ كرواتیا وه‌رگرت، ئه‌ڤه باشترین و مه‌زنترین خه‌لاتێ دكیۆمێنتاریه ل وه‌لاتێ كرواتیا دهێته دان، بۆ زانین بیست فلمێن دكیۆمێنتاری دوێ فیسته‌ڤالێ د دپشكداربوون لێ مه خه‌لاتێ باشترین فلمێ دكیۆمێنتاری وه‌رگرت.
