سالانه ل هه‌یڤا ره‌مه‌زانێ سترانه‌كا ئاینی به‌لاڤ دكه‌ت
ئاكرێ، ره‌مه‌زان زه‌كه‌ریا:
سترانبێژ محه‌ممه‌د زۆره‌گڤانی، ددیداره‌كێ دا بۆ رۆژناما ئه‌ڤرۆ گۆت : پێدڤیه سترانبێژ به‌رده‌وام ل گه‌ل جه‌ماوه‌رێ خۆ بیت و هه‌ر سترانه‌كا ئه‌و بخوازن پێدڤیه سترانبێژ ببێژیت و ب رێیا ئه‌لبۆم و سترانان هه‌رده‌م نێزیك بیت ژ جه‌ماوه‌رێ خۆ، هه‌روه‌سا گرنگه ژی د هه‌موو بیره‌وه‌ریادا سترانێن تایبه‌ت بهێنه تۆماركرن وه‌ك بیره‌وه‌ریێن ئاینی و نیشتیمانی.
ناڤهاتی گۆت: بۆ جارا ئێكێ من سترانه‌كا ئاینی ب هه‌لكه‌فتا هه‌یڤا ره‌مه‌زانا پیرۆز به‌لاڤكریه كو ژ په‌یڤێن مه‌لایی باته‌یی نه، من به‌رنامه‌ك ژی دانایه كو سالانه ل هه‌یڤا ره‌مه‌زانێ سترانه‌كێ یان سروده‌كا ئاینی تۆماربكه‌م، و گۆتنا سترانان ل هه‌ر بیره‌وه‌ریه‌كێ تایبه‌تمه‌ندیا خۆ هه‌یه و ئه‌ز گه‌له‌ك حه‌زژ به‌رهه‌مێن نوو دكه‌م.
