رۆسیا هۆشداریێ دده‌ته دو وه‌لاتان
ئه‌ڤرۆ:
په‌یڤدارا وه‌زاره‌تا ده‌رڤه یا رۆسیا راگه‌هاند كو هه‌كه فنله‌ندا و سوید ببنه ئه‌ندامێن ناتۆ ئه‌و یه‌ك دێ كارتێكرنه‌كا خوه یا گه‌له‌ك خراب هه‌بیت و رۆسیا ب چو ره‌نگه‌كێ قه‌بوول ناكه‌ت نها به‌حسێ ئه‌ندامه‌تیا وان هه‌ر دو وه‌لاتان د ناتۆیێ دا بهێته كرن و دڤێت فنله‌ندا و سوید خوه ژ كاره‌كێ وه‌سا دوور بكه‌ن.
ماریا زاخارۆڤا ئاماژه ب هندێ ژی كر كو هه‌كه هه‌ر دو وه‌لات ببنه ئه‌ندامێن ناتۆ وی ده‌می رۆسیا دێ هه‌ر زوو پێداچوونێ د سیاسه‌تا خوه یا به‌رگریێ دا كه‌ت، چونكو ئه‌ندامه‌تیا هه‌ر دو وه‌لاتان دێ مه‌ترسیه‌كا خوه یا مه‌زن بۆ سه‌ر ئاسایشا رۆسیا هه‌بیت و رۆسیا ژی نه‌چاره ل هه‌مبه‌ر ئه‌ندامه‌تیا فنله‌ندا و سویدێ بۆ ناڤ رێزێن ناتۆیێ ده‌ست ب پێرابوونێن نوو ل دژی وان هه‌ر دو وه‌لاتان بكه‌ت، ژ به‌ر هندێ ژی باشتره نها هه‌ر دو وه‌لاتێن ناڤهاتی خوه ژ كاره‌كێ وه‌سا ب مه‌ترسی دوور بكه‌ن.
