سیما جاف: بكڕێن كه‌ڤالێن خۆمالی دكێمن
هه‌ولێر، سولین سلێمان:
شێوه‌كارا گه‌نج (سیما جاف) كو خه‌لكا باژێرێ سلێمانیێ یه، د دیداره‌كێ دا بۆ رۆژناما ئه‌ڤرۆ گۆت: به‌ری چه‌ند سالان حه‌زا چێكرنا كه‌ڤالان ل ده‌ف من په‌یدابوو، لێ ل 2018 ده‌لیڤه هات و مه ده‌ستیپَكر و هه‌ر كه‌ڤاله‌كێ ئه‌ز چێدكه‌م ب رێیا تۆرێن جڤاكی و ئنستیگرامی به‌لاڤ دكه‌م و دفرۆشم، لێ وه‌ك داهات هه‌تا نوكه هونه‌ر بۆ من نه‌بوویه ده‌رگه‌هه‌ك كو داهاته‌كێ باش بگه‌هیته من.
زێده‌تر گۆت: ره‌نگه ئه‌ڤه نه‌به‌س گازندا من بیت و دبیت پرانیا شێوه‌كاران گازندان ژ وێ چه‌ندێ بكه‌ن كو زوو ب زوو كه‌ڤالێن وان ناهێنه فرۆتن، ئه‌ڤه ژی بۆ وێ چه‌ندێ ڤه‌دگڕیت كو كڕینا كه‌ڤالێن خۆمالی دناڤ خه‌لكێ مه دا یا كێمه و ئه‌ڤ چه‌نده نه‌بوویه نه‌ریته‌ك كو پشته‌ڤانیێ ل شێوه‌كار و كه‌ڤالێن خۆمالی بكه‌ن و هه‌كه فرۆتن هه‌بیت ژی گه‌له‌كا كێمه، ده‌باره‌ی كه‌ڤالێن من ژی پتریا وان كلاسیكی نه، چنكو ئه‌ز حه‌ز ژ وی شێوازی دكه‌م و هه‌رده‌م ئه‌ز دبێژم هونه‌ر وه‌كی كاغه‌زه‌كا سیی یه تۆ ب خوه دێ بڕیارێ ده‌ی كا چاوا ره‌نگ بكه‌ی، بۆ زانین ل سالا بۆری من پشكداری د پێشانگه‌هه‌كا مه‌زن یا هه‌ڤپشك دا كربوو، كو 160 شێوه‌كار تێدا د پشكداربوون و 230 كه‌ڤال هاتبوونه نیشادان.
