توركیا: مه ئه‌سمانێ خوه بۆ فرۆكه‌یێن رۆسیا داخست
ب، سه‌رجان مه‌حمود:
مه‌ولوود چاڤوش ئوغلو وه‌زیرێ ده‌رڤه یێ توركیا بۆ رۆژنامه‌ڤانان راگه‌هاند كو وان بریار داینه د ره‌وشا نها دا ژ به‌ر شه‌رێ د ناڤبه‌را ئۆكرانیایێ و رۆسیا دا ئه‌سمانێ توركیا بۆ فرۆكه‌یێن شه‌ری و یێن سڤیل یێن رۆسیا داخینن و گۆت: (به‌ری ئه‌م بریارا قه‌ده‌غه‌یا ئه‌سمانی بۆ فرۆكه‌یێن رۆسیا راگه‌هینین سه‌رۆك كۆمارێ مه ب ره‌نگه‌كێ فه‌رمی ئه‌ڤ بابه‌ته ل گه‌ل پۆتینی گه‌نگه‌شه كریه و وی ژی ئه‌و یه‌ك قه‌بوول كریه و ژ ئه‌ڤرۆ پێڤه فرۆكه‌یێن سڤیل و یێن سه‌ربازی نه‌شێن ب سه‌ر ئه‌سمانێ وه‌لاتێ مه ده‌ربازی سووریێ ببن و د قۆناغێن بهێت دا هه‌كه ره‌وش هاته گوهۆرین وی ده‌می ئه‌م ژی دێ پێداچوونێ د بریارا خوه دا كه‌ین).
وه‌زیرێ ده‌رڤه یێ توركیا هه‌روه‌سا راگه‌هاند كو ئه‌و پشته‌ڤانیێ ل دانوستاندنێن د ناڤبه‌را رۆسیا و ئۆكرانیایێ دا دكه‌ن و وان دڤێت هه‌ر دو وه‌لات شه‌ری بده‌نه راگرتن و ب رێیا دانوستاندنان هه‌موو پرسێن هه‌ی د ناڤبه‌را خوه دا چاره‌سه‌ر بكه‌ن و توركیا به‌رهه‌ڤه یا پێدڤی بۆ راگرتنا شه‌ری بكه‌ت.
