ئۆرۆپی چاڤه‌رێی ئه‌نجامێن هه‌لبژارتنێن فره‌نسا نه
ئه‌ڤرۆ:
دوهی گه‌را دویێ یا هه‌لبژارتنێن سه‌رۆكاتیا فره‌نسا د ناڤبه‌را ئیمانوێل ماكرۆن سه‌رۆك كۆمارێ نها و مارین لۆپن برێڤه چوو و پڕانیا وه‌لاتێن ئێكه‌تیا ئۆرۆپا ژی چاڤه‌رێی ئه‌نجامێن هه‌لبژارتنێن سه‌رۆكاتیا فره‌نسا نه، چونكو هه‌كه د هه‌لبژارتنان دا لۆپن سه‌ركه‌ڤیت ئه‌و یه‌ك دێ كارتێكرنا خوه ل پاشه‌رۆژا هه‌موو ئۆرۆپا كه‌ت.
چاڤدێرێن سیاسی دیار دكه‌ن كو ل گۆر دووماهی راپرسیا كو ل فره‌نسا هاتیه كرن دیار دبیت رێژه‌یا ده‌نگێن ماكرۆنی ١١% ژ مارین لۆپنێ زێده‌ترن لێ ئه‌و یه‌ك فه‌رمی نینه و هه‌تا ئه‌نجامێ هه‌لبژارتنان ب فه‌رمی نه‌هێته راگه‌هاندن نابیت حساب بۆ چو تشته‌كێ بهێته كرن.
وه‌لاتێن ئێكه‌تیا ئۆرۆپا گرنگیه‌كا مه‌زن دده‌نه هه‌لبژارتنێن فره‌نسا، چونكو فره‌نسا نها ئێكه ژ وه‌لاتێن هه‌ری گرنگ د ناڤ ئێكه‌تیا ئۆرۆپا دا و هه‌ر گوهۆڕینه‌كا سیاسی ل فره‌نسا روو بده‌ت دێ كارتێكرنا خوه ل هه‌موو وه‌لاتێن ئێكه‌تیا ئۆرۆپا كه‌ت، ژ به‌ر هندێ ژی هه‌لبژارتنێن سه‌رۆكاتیا فره‌نسا بۆ هه‌موو وه‌لاتێن ئێكه‌تیا ئۆرۆپا یا گرنگه.
