هیڤیا وێ ئه‌وه پشكداریێ د به‌ریكانه‌كا هه‌سپ سواریێ دا بكه‌ت
دهۆك، شاكر ئه‌تروشی:
په‌یام، كچه‌كا خه‌لكا گوندێ دێرگژنیكێ یه، ژیێ وێ نوزده سالن، پتری چار سالانه كچێن وی گوندی فێری سواربوون و هاژۆتنا هه‌سپی دكه‌ت و نوكه یا راهێنانان ل سه‌ر وێ چه‌ندێ دكه‌ت دا بۆ سالێن بهێن پشكداریێ د به‌ریكانێن هه‌سپ سواریێ دا بكه‌ت.
په‌یام بۆ ئه‌ڤرۆ دبێژیت: من ئه‌ڤ كاره ژ بابێ خوه (جه‌بار دێرگژنیكی) گرتیه، چار ساله ئه‌ز كچێن گوندی و برایێن من ژی (هه‌كار و رۆنی) كوڕێن گوندی فێری سواربوون و هاژۆتنا هه‌سپی دكه‌ین و نوكه پرانیا كوڕ و كچێن گوندێ مه هه‌سپ سوارن، یان ئه‌م دبێژین سوار چاكن، بۆ فێربوونا وان راسته ل ده‌ستپێكێ بۆ زارۆیان یا ب زه‌حمه‌ته، لێ هنده‌ك ژوان ب ده‌ه رۆژان فێردبن و هنده‌ك ژی ب هه‌یڤه‌كێ و ئه‌ڤه دمینته ل دووف جورئه‌تا مرۆڤی، بۆ زانین ده‌مه‌كه ئه‌ز راهێنانێ ل سه‌ر جۆره یاریه‌كێ دكه‌م دبێژنێ (جام) ئانكو ده‌مێ هه‌سپ خوه د سه‌ر داران د هاڤێژن و هیڤیا من ئه‌وه وه‌ك كچه‌كا رۆژه‌كێ بهێت پشكداریێ د به‌ریكانه‌كا وه‌سا دا بكه‌م.
