ئه‌ڤ ساله خه‌لاتێ باشترین ئه‌كته‌ر وه‌رگرتیه
هه‌ولێر، سولین سلێمان:
ئه‌كته‌را به‌رنیاس (كاردینا هێمن) د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه دوازده سالن ئه‌و وه‌ك ئه‌كته‌ر دناڤ فلمێن سینه‌مایی و زنجیره دراما دا كاردكه‌ت، هه‌روه‌سا وه‌ك ده‌رهێنه‌ر ژ رۆلێ خوه دیتیه و هه‌تا نوكه چه‌ندین خه‌لات و باوه‌رنامه ل فیسته‌ڤالێن جودا وه‌رگرتینه.
ناڤهاتی دبێژیت: ب پشته‌ڤانی و هاندنا خوشكا خوه من ده‌ست ب كارێ ئه‌كته‌ریێ كریه، چنكو ئه‌و ده‌رچوویا په‌یمانگه‌ها هونه‌رێن جوانه و هه‌تا نوكه ژی رێنیشانده‌را منه، له‌ورا یا به‌رده‌وامم و ئه‌ڤ ساله من خه‌لاتێ باشترین ئه‌كته‌ر ب فلمێ ( ) وه‌رگرت، هه‌روه‌سا من كارێ ده‌رهێنه‌ریێ بۆ گه‌له‌ك كورته فلمان كریه و هنده‌ك ژوان خه‌لات ژی وه‌رگرتینه و هیڤیا من ژ حكومه‌تا هه‌رێما كوردستانێ، هه‌روه‌سا كۆمپانیێن كه‌رتێ تایبه‌ت ئه‌وه پتر هاریكارێن سینه‌ماكاران بن دا بشێن فلمێن باشتر و بهێزتر به‌رهه‌م بینن.
