ئارمانجا وێ پاره نینن
دهۆك، هه‌رهین محه‌مه‌د:
سترانبێژ (خه‌نده كه‌ركووكی) د دیداره‌كێ دا بۆ رۆژناما ئه‌ڤرۆ دیاركر كو دووماهی كارێ وێ یێ هونه‌ری وه‌كو ستران ل ئێكه م رۆژا جه‌ژنا ره‌مه‌زانا پبرۆز به‌لاڤكر كو سترانه‌كا دوقۆلی بۆ ل گه‌ل سترانبێژ ئومێد شوانی كو پێكهاتبوو ژ سێ كوپلێن سترانێن كوردی وان ب ده‌نگێ خوه نوو كربوون.
هه‌روه‌سا گۆت: ئارمانجا من ژ هونه‌ری پاره نینه و پاره نابیت ژی بتنێ خه‌ونا من یا زارۆكینیێ یه و من دڤێت بگه‌همێ و خزمه‌تا هونه‌رێ كوردی بكه‌م و گه‌له‌ك هونه‌رمه‌ندێن ده‌ڤه‌را به‌هدینان هه‌نه ده‌نگێ وان یێ خۆشه و گوهداریا وان دكه‌م، به‌لێ حه‌زدكه‌م ل گه‌ل هونه‌رمه‌ند هه‌ڤال ئیبراهیم و كاروان كامل سترانه‌كا دوقۆلی چێكه‌م و دبیت هه‌تا راده‌كی ستایلێ من ل گه‌ل ده‌نگێ وان بگونجیت، بۆ زانین ژبلی كارێ هونه‌ری فه‌رمانبه‌ر و به‌رپرسا هوبا راگه‌هاندنێ مه ل رێڤه‌به‌ریا گشتی یا چاندنێ ل كه‌ركووكێ.
ل دووماهیێ گۆت: دهۆك بتنێ نینه كو كچا سترانبێژ یا كێمه، به‌لكو گه‌له‌ك باژێرێن دی یێن كوردستانێ هه‌نه كچ نه‌یا ئازاده سترانان بێژیت و ئه‌ڤ چه‌نده‌ژی دزڤریت بۆ دابو نه‌ریتێن مه ل سه‌ر مه دزالن، به‌لێ هه‌ر دبێژم دڤێت كچ ئه‌و كچێن حه‌زا سترانگۆتنێ هه‌ی و بزاڤێ بكه‌ت ئه‌و وارێ ئه‌و حه‌زژێ بكه‌ت خوه پێش بێخیت و به‌ر ئارمانجا خوه بچیت.
