شڤان دۆسكی: هه‌ر ژ زارۆكینا خوه من دڤیا ببمه سترانبێژ
ئه‌ڤرۆ: سۆلین سلێمان:
سترانبێژ (شڤان دۆسكی) د دیداره‌كێ دا بۆ رۆژناما ئه‌ڤرۆ دیار كر كو ژ به‌ر كو ده‌مێ ئه‌و زارۆ هنده‌ك كه‌سان ژ مالباتا وی د بواری هونه‌ری دا كاردكر ئه‌ڤ حه‌زه ل ده‌ف وی ژی په‌یدابوو كو ئه‌و ژی ببیته سترانبێژ و ل سالا 2005 ب شێوه‌یه‌كێ فه‌رمی ده‌ست ب كارێ سترانگۆتنێ كر و هه‌تا نوكه ژی ل سه‌ر هه‌مان كار یێ به‌رده‌وامه و گۆت: “من كلیپا خوه یا ئێكێ بناڤێ (وێلی وێلی) ل سالا 2007 به‌لاڤكریه و هه‌تا نوكه پتری 15 سترانێن من گۆتین ژ په‌یڤ و ئاوازێن من ب خوه‌نه”.
ناڤهاتی ئاماژه دا وێ چه‌ندێ كو وی ل سالا 2018 ئه‌لبۆما خوه یا بناڤێ (چومه وارێ ژیانێ) كو ژ 13 تراكان یا پێكهاتیبوو به‌لاڤكریه و گۆت: “هه‌موو ده‌مان مالباتا من پشته‌ڤانێن من یێن سه‌ره‌كی نه د كارێ هونه‌ری دا و سۆزدێ دده‌م به‌رده‌وام كارێن نوو یێن هونه‌ری ئه‌نجام بده‌م”.
