ئسرائیل: نه‌چارێن ده‌ست ب قۆناغه‌كا نوو بكه‌ین

ئه‌ڤرۆ:

سه‌رۆك وه‌زیرێن ئسرائیلێ نه‌فتالی بینیت راگه‌هاند كو وان به‌ری نها بۆ به‌رپرسێن ئه‌مریكا ژی دیار كرینه‌ كو هه‌كه‌ بشێن ب رێیێن سیاسی چاره‌سه‌ریه‌كێ بۆ به‌رنامێ ئه‌تۆمی یێ ئیرانێ ببینن ئه‌و یه‌ك دێ ئه‌نجامێن خوه‌ یێن باش هه‌بن، ئسرائیلێ ژی پێ باشه‌ كو ب جهێ شه‌ری ب رێیێن سیاسی و دبلۆماسی پرسا به‌رنامێ ئه‌تۆمی یێ ئیرانێ بهێته‌ چاره‌سه‌ركرن، لێ هه‌كه‌ ئیران ل سه‌ر هه‌لوه‌ستێ خوه‌ یێ نها به‌رده‌وام بیت وی ده‌می دێ ل دژی ئیرانێ ده‌ست ب قۆناغه‌كا نوو كه‌ین.

سه‌رۆك وه‌زیرێن ئسرائیلێ ئه‌و یه‌ك ژی دیار كریه‌ كو مخابن هه‌ڤپه‌یمانێن ئسرائیلێ وه‌كو پێدڤی هاریكاریا وێ ناكه‌ن و نها ئسرائیل ل هه‌مبه‌ر بزاڤێن ئیرانێ یێن بۆ تێكدانا ره‌وشا ده‌ڤه‌رێ ب تنێ مایه‌، لێ ئسرائیلێ ئه‌و شیان هه‌نه‌ كو دشێت یا پێدڤی ل دژی ئیرانێ بكه‌ت، چونكو به‌ری نها ژی مه‌ دیار كریه‌ كو ب چو ره‌نگه‌كێ رێ ناده‌ین و ناهێلین ئیران ببیته‌ خوه‌دانا چه‌كێن ئه‌تۆمی، هه‌كه‌ ئه‌مریكا رێگریێ نه‌كه‌ت ئسرائیلێ بخوه‌ ئه‌و شیان هه‌نه‌ كو ده‌ست ب قۆناغه‌كا نوو و دژوار ل دژی ئیرانێ بكه‌ت.

کۆمێنتا تە