هونه‌رحسێن: ره‌وشه‌نبیریا هونه‌ری د ناڤ جڤاكێ مه دا یا لاوازه
ئه‌ڤرۆ، هه‌رهین محه‌مه‌د:
هونه‌رمه‌ندێ شێوه‌كار و په‌یكه‌رساز هونه‌ر حسێن، دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیاركر كو شێوه‌كارێ سه‌ركه‌فتی ئه‌وه یێ رێیه‌كا هونه‌ری بگریت و داهێنانێ د وێ رێیا هونه‌ری دا دكه‌ت چ ب رێیا هزرێ یان ژی ب رێیا كاركرنێ، به‌لێ شێوه‌كارێ نه سه‌ركه‌فتی ئه‌وه یێ گه‌له‌ك رێیێن هونه‌ری ب كار دئینیت كارێ هونه‌ری دا، به‌لێ چ ژوان رێیا ب دروستاهی كار پێ نه كه‌ت ل وی ده‌می ده‌مێ كاره‌كێ هونه‌ری ئه‌نجام دده‌ت چه‌ند رێبازێت وان قوتابخانیًَت هونه‌ری تێكه‌لی ئێك دكه‌ت و گۆت: “ده‌مێ ئه‌ز قوتابی ل په‌یمانگه‌ها هونه‌رێن جوان ژ قووناغا ده‌سپێكێ من كار ل سه‌ر رێبازێن قوتابخانێن هونه‌ری كار كر، به‌لێ ئه‌و قوتابخانه بۆ هندێ نه دا هونه‌رمه‌ند رێیه‌كێ ژ وان رێبازا بگریت من شاره‌زایی یا وان قوتابخانا دا هه‌ی، به‌لێ نوكه ئه‌ز ل دووڤ هونه‌رێ دیجیتال دچم ئه‌و ژی ل دووڤ پێشكه‌فتنا ته‌كنولۆژیا یا ڤی سه‌رده‌می”.
ناڤهاتی گۆت: ل دهۆكێ مه هونه‌رمه‌ندێن شێوه‌كار یێن هه‌ین ئه‌و ژی رێژه‌كا گه‌له‌ك یا كێم به‌هرا پتر ژ هونه‌رمه‌ندێن دهۆكێ كارێت وان د چاڤلێكرینه، به‌لێ چ گوهۆڕینان د وی كاری دا ناكه‌ن كو ببیته ملكێ وان و دكه‌ڤالێن خوه دا پتر ره‌نگێ ره‌ش و سپی كو ره‌نگێن سه‌ره‌كی نه بكاردئینم”.
دلایه‌كێ دی دا هونه‌ر دبێژت: په‌یكه‌ر ئێك ژ كارێنت گه‌له‌گ بزه‌حمه‌ته د هونه‌رێ شێوه‌كاری دا هونه‌رمه‌ندێن مه یێن دهوكێ ده‌رحه‌قی وی كاری ده‌رنه‌كه‌تینه هه‌تا نوكه ژبه‌ر كو هونه‌رێ په‌یكه‌رسازی هونه‌ره‌كه پتر نێزیكی راستیێ یه هه‌تا نوكه مه په‌یكه‌ر ده‌ڤه‌را به‌هدینان نینن كو بێژین پتر نێزیكی راستیێ یه ده‌م د هونه‌رێ شێوه‌كاری دا گه‌له‌ك یێ گرنگه تایبه‌ت په‌یكه‌ری دا ژبه‌ر كه‌ره‌ستێ سه‌ره‌كی ته‌قنه ده‌مێ پتر من كار كری درێژاهیا مرۆڤی 22 رۆژان مایمه پێڤه هه‌تا ب دووماهی هاتی، به‌لێ تا نوكه ئه‌و هزروبیر یێن دناڤ جڤاكێ مه‌دا ماین و دگه‌ل دژیت ژبه‌ر كو ره‌وشه‌نبیریا هونه‌ری یا لاوازه د ناڤ جڤاكێ مه دا ب چاڤه‌كێ كێم ته‌ماشه‌ی هونه‌رێ په‌یكه‌رسازی دكه‌ن په‌یكه‌ر بۆ جوانیێ دهێته چێكرن د ناڤ باخچان یان باژێران دا جوانیه‌كا تایبه‌ت دده‌ته ده‌وروبه‌رێن وی جهی.
