سه‌ره‌كى هه‌مه‌ره‌نگ ده‌رگه‌هێ وه‌رگرتنا فلمان بۆ فلمه فیسته‌ڤالا دهۆك یا نێڤده‌وله‌تی هاته ڤه‌كرن
ده‌رگه‌هێ وه‌رگرتنا فلمان بۆ فلمه فیسته‌ڤالا دهۆك یا نێڤده‌وله‌تی هاته ڤه‌كرن
دهۆك، زنار تۆڤی:
گه‌را نه‌هێ یا فلمه فیسته‌ڤالا دهۆك یا سینه‌مایی یا نێڤده‌وله‌تی دێ ل ده‌ستپێكا هه‌یڤا كانوونا ئێكێ یا ئه‌ڤ ساله هێته گێڕان و ده‌رگه‌هێ وه‌رگرتنا فلمان بۆ ده‌مێ سێ هه‌یڤان هاتیه ڤه‌كرن.
حه‌سه‌ن فه‌تاح، په‌یڤدارێ رێڤه‌به‌ریا گشتی یا ره‌وشه‌نبیری و هونه‌ری ل پارێزگه‌ها دهۆكێ بۆ رۆژناما ئه‌ڤرۆ دیاركر كو وه‌رگرتنا فلمان بۆ گه‌ڕا نه‌هێ یا فلمه فیسته‌ڤالا دهۆك یا نێڤده‌وله‌تێ هاتیه ڤه‌كرن و نوكه سینه‌ماكار و ده‌رهێنه‌ر دشێن فلمێن خوه پێشكێشی فلمه فیسته‌ڤالێ بكه‌ن، داكو بهێنه وه‌رگرتن، هه‌ر ژ رۆژا شه‌شی خزیرانێ هه‌تا ئێكی ئیلۆنا ئه‌ڤ ساله فلم دێ هێنه وه‌رگرتن، فیسته‌ڤال دێ ل رۆژا ئێكی هه‌یڤا دوازده ده‌ست پێكه‌ت و بۆ ده‌مێ هه‌شت رۆژان دێ یا به‌رده‌وام بیت.