بۆ گرتنا هه‌ر وێنه‌كی خوه ماندی دكه‌م
زاخۆ، نه‌وزاد هلۆری:
سه‌ردار عه‌بدولوه‌هاب، ئێك ژ وان وێنه‌گرێن خودان شیانه ل باژێرێ زاخۆ، كو ژبه‌ر حه‌زژێكرنا كارێ خوه هه‌ر زوو دناڤ خه‌لكی دا هاته نیاسین، ئه‌و بۆ رۆژناما ئه‌ڤرۆ دبێژیت: ل سالا 2009ێ ب رێیا ڤه‌كرنا ستودیۆیه‌كا بچووك من ده‌ست ب كارێ وێنه‌گریێ كریه، من ب حه‌ز و ڤیان ده‌ست ب كاری كر و سوپاس بۆ خودێ د ده‌مێ بۆری دا شیایمه خزمه‌ته‌كا باش بۆ خه‌لكێ خوه بكه‌م، ئه‌ز گه‌له‌ك خوه ب گرتنا وێنه‌ی ڤه زه‌حمه‌ت دده‌م و ماندی دكه‌م، ژبه‌ركو وێنێن جوان به‌رهه‌م دئینیت.
زێده‌تر گۆت: ل ڤێ دووماهیێ من كاره‌كێ جودا ئه‌نجام دا و خه‌لكی زۆر حه‌زژێكر، ب چوو ئاوای ئه‌ز وێنه و ڤیدیۆیێن نه جوان ل گه‌ل بووك و زاڤا ناگرم داكو بناڤ و ده‌نگ بم، به‌لكو ب شێوه‌یه‌كێ جوان بۆ دگرم داكو ئه‌و دلخۆش بن، دێ هه‌ول و بزاڤێن به‌رده‌وام كه‌م كو بشێم كار و خزمه‌ت و چالاكیێن خوه ل هه‌موو كوردستانێ بكه‌م.
