45 سالن كارێ بۆیاغكرنا پێلاڤان دكه‌ت
دهۆك، هه‌رهین محه‌مه‌د:
محه‌مه‌د عه‌لی، دانعه‌مره‌كه (45) سالن كارێ بۆیاغكرنا پێلاڤان دكه‌ت و هه‌ڤده سالن ل دهۆكێ دژیت، ناڤهاتی، بۆ رۆژناما ئه‌ڤرۆ دبێژیت: دژیێ ده‌ه سالیێ دا من ده‌ست ب ڤی كاری كریه ل مووسل، ئه‌ز دبینم ئه‌ڤ كاره بۆ من گه‌له‌كێ خۆشه و چو كارێن دی ناكه‌م و مالا خوه ب ڤی داهاتێ كێم ب رێڤه دبه‌م و كاركرن ل دهۆكێ خۆشتره ژمووسل، بۆ زانین هه‌موو كه‌س نه‌شێن ڤی كاری بكه‌ن، چونكو شاره‌زایی پێ دڤێت و هنده‌ك پێلاڤ هه‌نه پێدڤی بۆیاغێ و دوهنی نه و هنده‌ك ژی بتنێ دڤێت دوهنی تێبده‌ن و هه‌كه بتنێ بۆیاغێ ل پێلاڤێ بده‌ن پێلاڤ پیچ دبیت.
هه‌روه‌سا گۆت: من بۆیاغێن ئه‌لمانی و توركی هه‌نه و هه‌ر بۆیاغه‌كێ بهایێ خوه هه‌یه و ل گه‌ل ڤی كاری گه‌له‌ك یێ ئارامم، به‌لێ ئه‌ڤه بۆ ده‌مێ ساله‌كێ یه جه‌لتێ ل من دایه و ئه‌ز بێ هێز كریمه.
