یێ به‌رهه‌ڤه وه‌ك خوه‌به‌خش كاربكه‌ت
ئاكرێ، ره‌مه‌زان زه‌كه‌ریا:
په‌یكه‌رساز (ئازاد سه‌لاحه‌دین)د دیداره‌كێ دا بۆ رۆژناما ئه‌ڤرۆ گۆت: به‌ری ل په‌یمانگه‌ها هونه‌رێن جوان بهێمه وه‌رگرتن من چو شاره‌زایی نه‌بوو، ئێك بووم ژ وان قوتابیان ل قوناغا ئێكێ دووماهیا هه‌موو قوتابیان فێریێ شێوه‌كاری و په‌یكه‌رسازیێ بووم، به‌لێ پشتی تێكه‌ل بوونێ چوونه ناڤ بۆارێ زانستی به‌رده‌وام بزاڤكرن ل قوناغا دویێ من رێزا سیێی ب ده‌ستڤه ئینا و ل قوناغا دووماهیێ ل سه‌ر ئاستێ پشكا خوه بۆمه یێ ئێكێ.
ئازادی گۆت: په‌یكه‌رسازی و شێوه‌كاری رامانا جوانیێ دده‌ن، و ب دیتنا من هه‌تا مرۆڤ ب روح نه‌چیته ناڤ هونه‌ری نه‌شێت ب په‌یڤان ده‌ربڕینێ ژێ بكه‌ت، ژبه‌ركو مرۆڤ هه‌تا ب هه‌ست و ڤیان كارنه‌كات نه‌شێت ب په‌یكه‌ره‌كێ یان كه‌ڤاله‌كێ ده‌ربڕینێ بكه‌ت، پێدڤیه د هه‌موو قوناغێن خواندنێ دا گرنگی ب هونه‌ری بهێته دان و ببیته وانه‌یه‌كا سه‌ره‌كی، بۆ زانین نوكه ئه‌ز ل قوتابخانه‌كێ وانه‌بێژم و هه‌كه پشته‌ڤانیا من بهێته كرن یێ به‌رهه‌ڤم خوه‌به‌خشانه قوتابیان فێربكه‌م.
