هاشمی خوه ب پێشكَشكاریێ دیاركر
دهۆك، هه‌رهین محه‌مه‌د:
هاشم بۆسه‌لی، سترانبێژێ كوچكۆ دیوانان، د دیداره‌كێ دا بۆ رۆژناما ئه‌ڤرۆ دیاركر كوئه‌ڤه ده‌مه‌كه وی ده‌ست ب پێشكێشكرنا به‌رنامه‌كێ فۆلكلۆری كری بناڤێ (كه‌ڤی) ل رادیۆیا وار و هه‌موو سترانبێژێن فۆلكلۆری دێ دڤی به‌رنامه‌ی دا مێڤان بن.
بۆسه‌لی گۆت: من پتر خوه د سترانگۆتنێ دا دیتیه نه پێشكێشكاریێ، چونكو ده‌ستپێكا من ب سترانگۆتنێ بوویه و به‌رنیاس بوویمه، به‌لێ هه‌كه شیانێن مرۆڤی به‌رفره‌ه بن مرۆڤ نه‌چاره هنده‌ك كارێن دی ژی بكه‌ت و ئه‌ز وه‌كو سترانبێژه‌كێ سترانێن كۆچكو دیوانان و فۆلكلۆری خوه دكارێ پێشكێشكاریێ ژی دا دبینم و به‌ری نوكه ژی من ل چه‌ندین كه‌نالێن ته‌له‌ڤزیۆنی كاركریه وه‌كو پێشكێشكارێ به‌رنامێن سترانێن كوچكو دیوانان وگه‌له‌ك یا گرنگه پێشكێشكارێ به‌رنامێن هونه‌ری هونه‌رمه‌ند بیت دێ باشتر بیت، پێشكێشكار هه‌كه هونه‌رمه‌ند بیت مفایه‌كێ دی ژی هه‌یه ئه‌و ژی هه‌كه جاره‌كێ ئاریشه‌ك د به‌رنامه‌ی دا هه‌بیت، یان مێهڤان ئاما ده‌نه بوو ل وی ده‌می پێشكێشكارێ هونه‌رمه‌ند دێ رولێ خوه بینیت و وێ ڤالاهیێ ناهێلیت.
