سۆشیال میدیایێ ئه‌ز بۆ خه‌لكی دایمه نیاسین
دهۆك، شاهۆ فه‌رید:
سیزار قه‌دری، گه‌نجه‌كێ به‌هره‌مه‌ندێ خه‌لكێ دهۆكێ یه، ژیێ وی شازده سالن، ئه‌و دبێژیت: ژبه‌ركو هه‌ردو برایێن من (سیداد و ژێهات) مۆزیكژه‌نن، دژیێ شه‌ش سالیێ دا حه‌زا مۆزیكێ ل ده‌ف من ژی په‌یدا بوو، له‌ورا ل ده‌ستپێكی من ساز ژه‌نی، لێ نوكه ئۆرگێ دژه‌نم و ل نێزیك دێ من هنده‌ك كارێن باش هه‌بن.
سیزاری بۆ رۆژناما ئه‌ڤرۆ گۆت: مۆزیكێ خۆشیه‌كا زێده پێشكێشی من كریه و سۆشیال میدیایێ ژی ئه‌ز بۆ خه‌لكی دایمه نیاسین، چنكو ده‌مێ پارچه مۆزیكه‌كێ به‌لاڤ دكه‌م گه‌له‌ك ده‌ستخۆشی بۆ من دهێن، له‌ورا فه‌ره مرۆڤ گه‌له‌كێ هشیار بیت د هه‌لبژارتن و به‌لاڤكرنا هه‌ر كاره‌كێ هونه‌ری دا، ب تایبه‌ت ژی مۆزیكێ دا دناڤدا به‌رزه نه‌بی و نوكه مۆزیك دوست و هه‌ڤاله دناڤ دلێ من دا.
