كه‌ڤالێ بارزانیێ نه‌مر ل هوله‌ندا هاته نیشادان
زاخۆ، عه‌لی حاجی:
شێوه‌كاره‌كێ كورد، ل گه‌ل سێ شێوه‌كارێن هوله‌ندی، پێشانگه‌هه‌كا هه‌ڤپشك ل هۆلا مۆزه‌خانا (فلاردینگن) ل وی وه‌لاتی ڤه‌كر و كه‌ڤالێ بارزانیێ نه‌مر كو ژلایێ وی هونه‌رمه‌ندێ كوردڤه هاتبوو چێكرن د پێشانگه‌هێ دا هاتبوو نیشادان و كه‌سێن سه‌ره‌دانا پێشانگه‌هێ دكرن ل به‌ر وی كه‌ڤالی دراوه‌ستان و بۆ بیرهاتن وێنه ل گه‌ل گرتن.
هونه‌رمه‌ندێ شێوه‌كار (سه‌لاح سلێڤانه‌یی) د داخۆیانیه‌كێ دا بۆ رۆژناما ئه‌ڤرۆ گۆت: ئه‌ز گه‌له‌كێ خۆشحالم كو ب حه‌فت كه‌ڤالان من پشكداری دوێ پێشانگه‌هێ دا كربوو، هه‌لبه‌ت ئه‌ڤه ئێك ژوان پێشانگه‌هێن ئاست بلند بوو ل سه‌ر ئاستێ وه‌لاتێ هوله‌ندا هاتیه ڤه‌كرن، دو كه‌ڤالێن من ده‌ریڕین ژ كه‌توارێ سیاسی و خه‌باتا بارزانیێ نه‌مر دكر و تشتێ هه‌ره خۆش ئه‌و بوو ده‌مێ چاڤێ بیانیان ب وی كه‌ڤالی دكه‌فت دزانین ئه‌ڤه سه‌ركرده‌كێ مه‌زنێ كورده و پتریا وان پێزانین ل سه‌رملله‌تێ كورد و خه‌بات و تێكوشینا بارزتنیێ نه‌مر هه‌بوون.
