دیدارا زاخۆ یاسینه‌مایی یا ئێكێ دێ هێته ئه‌نجامدان
ئه‌ڤرۆ، رێوار محه‌مه‌د ره‌شید:
دلێر كامیران، به‌رپرسێ نڤیسینگه‌ها زاخۆ یا سه‌ندیكا هونه‌رمه‌ندێن كوردستانێ بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو ل ژێر چاڤدێریا (عه‌لی عه‌ونی) به‌رپرسێ لقێ هه‌شت یێ پارتی دیموكراتی كوردستان، نڤیسینگه‌ها زاخۆ یا سه‌ندیكا هونه‌رمه‌ندێن كوردستانێ ب هه‌ماهه‌نگی دگه‌ل (كۆمه‌لا سینه‌ما و ته‌له‌ڤزیۆنێ) ل به‌سرا دێ (دیدارا زاخۆ یاسینه‌مایی یا ئێكێ) ل رۆژا دووشه‌مبی 25/7/2022 ل ده‌مژمێر 5:00 ئێڤاری ل هۆلا باژێرڤانیا زاخۆ ئه‌نجام ده‌ت.
ناڤهاتی ئاماژه دا وێ چه‌ندێ كو ب مه‌ره‌ما خورتكرنا په‌یوه‌ندیێن هونه‌ری دگه‌ل هه‌موو لایان وه‌كو د په‌یره‌وێ سه‌ندیكا هونه‌رمه‌ندان دا هاتی ئه‌ڤ دیداره دێ بۆ جارا ئێكێ ل ئیدارا سه‌ربه‌خۆ یا زاخۆ هێته ئه‌نجامدان و گۆت: “سێ كورته فلمێن زاخۆ، هه‌روه‌سا چار كورته فلم ژ به‌سرا دێ د ڤێ دیدارێ دا هێنه نیشادان و ل سالێن داهاتی دێ هه‌موو بزاڤان كه‌ین ڤێ دیدارێ به‌رفره‌هتر لێ بكه‌ین بۆ وێ چه‌ندێ ژماره‌كا پتر یا فلمان تێدا پشكدار ببن”.
