سترانێن سه‌رده‌مانه ل دیوانان نابێژیت
دهۆك، هه‌رهین محه‌مه‌د:
هشیار سندۆری، سترانبێژێ به‌رنیاسێ كوچكو دیوانان، د دیداره‌كێ دا بۆ ئه‌ڤرۆ دبێژیت: مامێ من (ئیسڤێ عه‌بو خورتا) ستایلێ خوه یێ تایبه‌ت هه‌بوو، ئه‌ز ژی سترانێن وی دبێژم و هه‌موو سترانێن مه فۆلكلۆری نه، به‌لێ ئه‌ز نابمه ئه‌و و ئه‌ز هه‌ر هشیار سندۆری مه و هه‌ر ئێك ژمه ستایلێ خوه یێ تایبه‌ت هه‌یه، راسته ل ده‌ستپێكێ ب زارڤه‌كرنا وی هاتیمه دمه‌یدانا سترانگۆتنێ دا، به‌لێ ئه‌ز سترانێن وی ل گه‌ل مۆزیكێ و ئارامتر دبێژم و دكه‌ڤن دا په‌سته‌یێن فۆلكلۆری هه‌بوون ل دیوانان دگۆتن و ڤه دگێران و ل دیدارێن ته‌له‌ڤزیۆنی ژی دا په‌ستان دبێژم، به‌لێ سترانێن سه‌رده‌مانه نابێژم.
زێده‌تر گۆت: هه‌تا سالا 2010 سالرۆژا ده‌نگبێژ ئیسڤێ عه‌بو خورتا دهاته ساخكرن، لێ نوكه نه‌مایه و ئه‌ڤه وێ چه‌ندێ ناگه‌هینیت كو شیانێن مادی دكێمن و ئه‌ز باوه‌ردكه‌م سه‌ندیكا كاری بۆ هه‌موو هونه‌رمه‌ندان بێ جوداهی دكه‌ن و خزمه‌تا وان یا به‌رچاڤه، بۆ زانین نوكه كۆڕێ من یوسف ل په‌یمانگه‌ها هونه‌رێن جوان/ پشكا مۆزیكێ دخوینیت و ئامیرێ عودێ دژه‌نیت، و مژوولی هندێ مه وی شاره‌زاكه‌م دڤان سترانان دا دا بۆ من وه‌ك تون و ته‌به‌قه ب ژه‌نیت.
