دالیا سابر: دناڤ جڤاگه‌كێ گرتی دا ئه‌ز شیام ب سه‌ركه‌ڤم
هه‌ولێر، شاكر ئه‌تروشی:
مه‌دیاكار (دالیا سابر) پێشكێشكار و ده‌رهێنه‌ر ل رادیۆیا هێلین، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووكدا حه‌زا كاركرنێ د بۆارێ راگه‌هاندنێ دا ل ده‌ف من په‌یدابوو، مالا من ژی د هاریكاربوون و هه‌رده‌م دگۆتنه من مه دڤێت تۆ ببیه ستێره‌كا دیار د ناڤ راگه‌هاندنێ دا.
دالیا، كو ژدایكبوویا سالا (1998) یه و ده‌رچوویا پشكا راگه‌هاندنێ یه ل كولیژا ئادابێ ل زانكۆیا سه‌لاحه‌ددین، هێشتا گۆت: ل قوناعا ئێكێ یا كولیژێ هه‌تا نوكه، ئانكو ئه‌ڤه شه‌ش سالن من دهه‌موو بۆارێن راگه‌هاندنێ دا كاركریه، په‌یامنێرێ و پێشكێشكاری و به‌رنامێن مه‌یدانی، هه‌روه‌سا مۆنتێری و ده‌رهێنه‌ریێ ژی دكه‌م و ل ده‌ستپێكێ خانم (نه‌رمین سندی) كو ل وی ده‌می ئه‌و رێڤه‌به‌را رادیۆیێ بوو گه‌له‌ك هاریكاریا من كریه كو هه‌تا نوكه یا به‌رده‌وامبم، هه‌روه‌سا رێڤه‌به‌را نوكه ژی (شه‌یما مسته‌فا) پشته‌ڤانه‌كا بهێزه بۆ من و هه‌ڤالێن من (ئانیا و تانیا) یێ، له‌ورا دێ بێژم رادیۆیا هێلین ئه‌ز پێ گه‌هاندم و كرمه دالیا، بۆ زانین نوكه ئه‌زچه‌ندین به‌رنامان لڤێ رادیۆیێ ئاماده و پێشكێش دكه‌م، ژوانا (به‌یانی هێلین، ته‌ندروستی تۆ، ئافره‌ت و كومه‌لگا، هشیاری كومه‌لایه‌تی، یاسا و ئافره‌ت) و چه‌ندین دیدارێن دی و سوپاس بۆ سكرتێرا ئێكه‌تیا ئافره‌تێن كوردستانێ (د.ڤیان سلێمان) كو رادیۆیا هێلین كریه هێمایه‌ك بۆ گه‌هاندنا ده‌نگێ هه‌موو ئافره‌تێن كوردستانێ، له‌ورا وه‌كو هه‌ر جار دێ بێژین هێلین مالا مه هه‌موویانه.
