وێنه‌كێ خوه ب 1700 دۆلاران فرۆتیه
سلێمانیێ، عه‌زیز هه‌ورامی:
وێنه‌گرێ به‌رنیاس (ناسیح عه‌لی خه‌یات) كو خه‌لكێ پارێزگه‌ها هه‌له‌بجه‌یه، به‌لێ ل سلێمانیێ دژیت، د دیداره‌كێ دا بۆ رۆژناما ئه‌ڤرۆ دیاركر كو پتری بیست سالانه ئه‌و وه‌كو فۆتۆگرافه‌ره‌كێ پرۆفیشینال كاردكه‌ت، هه‌تا نوكه پشكداری د چه‌ندین فیسته‌ڤالێن جیهانی دا كریه و هژماره‌كا خه‌لاتان وه‌رگرتینه، ژوانا خه‌لاتێ ئنترناشیۆنال جۆگرافیا، هه‌روه‌سا ل سالا 2020 ل سویسرا من دو خه‌لاتێن جیهانی وه‌رگرتن.
ناڤهاتی گۆت: هه‌تا نوكه من پتری پێنج هزار وێنه‌یان كو هه‌موو بۆارێن ژیانێ كلتۆری، هونه‌ری، شوونوار، گه‌شت و گوزار گرتینه و وێنه‌كێ من ب هزار و حه‌فت سه‌د دۆلاران ل فره‌نسا هاته فرۆتن، هه‌روه‌سا من پرۆژه‌كێ دی ژی هه‌یه ئه‌و ژی كۆمكرنا تزبیێن كه‌زانانه یێن هه‌ر چار پارچێن كوردستانێ و من پتری هزار ده‌ستێن تزبیان كۆمكرینه، هه‌روه‌سا مژوولی نڤیسینا جۆگرافیا كوردستانا مه‌زنم.
