ئه‌مریكا ب توندی هۆشداریێ دده‌ته‌ ئیرانێ

ئه‌ڤرۆ:

په‌یڤدارێ وه‌زاره‌تا ده‌رڤه‌ یا ئه‌مریكا راگه‌هاند كو هه‌لوه‌ستێ نها یێ ئیرانێ ل دۆر به‌رنامێ ئه‌تۆمی ب چو ره‌نگه‌كێ ناهێته‌ قه‌بوولكرن، چونكی ئیران یاریێ ب ده‌می دكه‌ت و دڤێت به‌رده‌وامیێ بده‌ته‌ چالاكیێن خوه‌ بۆ دروستكرنا چه‌كێ ئه‌تۆمی ئه‌و یه‌ك ب چو ره‌نگه‌كێ ناهێته‌ قه‌بوولكرن، هه‌كه‌ ئیران د زووترین ده‌م دا به‌رسڤا ئاژانسا نێڤده‌وله‌تی یا ئه‌تۆمی نه‌ده‌ت دێ تووشی سزایێن گه‌له‌ك گران بیت.

نید پرایس ئه‌و یه‌ك ژی دیار كر كو ده‌مه‌كێ كورت ل پێشیا ئیرانێ مایه‌ و هه‌كه‌ به‌رپرسێن ئیرانێ ب ئه‌رێنی به‌رسڤا وان و ئاژانسا نێڤده‌وله‌تی یا ئه‌تۆمی نه‌ده‌ن ئه‌مریكا دێ ده‌ست ب سزادانا ئیرانێ كه‌ت و دێ ڤێجارێ سزایێن گه‌له‌ك گران ژی ل سه‌ر ئیرانێ هێنه‌ سه‌پاندن، چونكی ئیرانێ نه‌ڤێت ده‌ستان ژ به‌رنامێ خوه‌ یێ ئه‌تۆمی به‌رده‌ت و هه‌روه‌سا ئیران كار بۆ دروستكرنا چه‌كێن ئه‌تۆمی ژی دكه‌ت، چونكی به‌ری ده‌مه‌كێ به‌رپرسێن ئیرانێ بخوه‌ ئاماژه‌ ب هندێ كرن كو ئه‌و دشێن د ده‌مه‌كێ كورت دا چه‌كێن ئه‌تۆمی دروست بكه‌ن، ئه‌و یه‌ك ژی بۆ ئاسایشا هه‌موو جیهانێ جهێ مه‌ترسیێ یه‌ و ئه‌مریكا دێ ب توندی به‌رسڤا بزاڤێن مه‌ترسیدار یێن ئیرانێ ده‌ت.

کۆمێنتا تە