رۆژانه 200 بۆ 300 كیلۆیێن خوێ به‌رهه‌م دئینن
بارزان، ره‌مه‌زان زه‌كه‌ریا:
ئێكه‌مین بیرا خوێ ل كوردستانێ دكه‌ڤیته ناحیا پیران ل سنۆرێ قه‌زا مێرگه‌سۆر ل ده‌ڤه‌را بارزان، كو ل ده‌مێ پێدڤی ب زباره خوێ به‌رهه‌م دئینن و ل سه‌ر خه‌لكێ ناحیێ دهێته به‌لاڤ كرن.
سه‌همی پیرانی، ئاكنجیێ ناحیا پیران بۆ ئه‌ڤرۆ گۆت: كانیا كو خوێ لێ دهێته به‌رهه‌مئینان شه‌ش مه‌تران یا كویره و رۆژانه 200 بۆ 300 كیلۆیێن خوێ به‌رهه‌م دئینیت و به‌رهه‌مئینانا خوێ پێدڤی ب زبارێ هه‌یه، كه‌سه‌ك دچیته ناڤ كانیا خوێ كه‌سه‌ك ل ده‌رڤه ب كێبله‌كێ رادكێشن پاشی ئاڤێ دسه‌فینن دێ هێته كۆمكرن ل ناڤ حه‌وزه‌كێ هه‌تا ئاڤ هشك دبیت و دبیته خوێ، بۆ زانین ئێكه‌م كه‌سێ بیرا خوێ دیتی ناڤێ وی شێخ (یوسف) بوو، كو خه‌لكێ ده‌ڤه‌رێ بوو، گه‌له‌ك خه‌لكێ ده‌رڤه‌ێ داخوازا ڤێ خوێ دكه‌ن وه‌ك ده‌رمان و چاره‌سه‌ری ب كار دئینن.
