شانۆ نه‌بوویه ده‌رگه‌هه‌ك پێ بژیت
دهۆك، هه‌رهین محه‌مه‌د:
شانۆڤانا گه‌نج (ساوین جه‌لال) كو ژ باژێرێ سلێمانیێ یه، د دیداره‌كێ دا بۆ رۆژناما ئه‌ڤرۆ گۆت: شانۆڤانێ ب دروستی ئه‌وه ب لڤین و ئاخفتنا خۆه په‌یاما جڤاكی ل سه‌ر ده‌پێ شانۆیێ بگه‌هینت و ب هه‌ر رۆله‌كی بیت چ كۆمێدی ، یان تراژیدی دبیت، یا گرنگ ئه‌وه بینه‌ر هه‌ست ب وێ په‌یمامێ بكه‌ن و هه‌ر رۆله‌كی ژی تاما خوه یا تایبه‌ت هه‌یه بۆ شانۆڤانی و بۆ بینه‌ران ژی، له‌ورا دبینم حه‌زژێكرن و ئارامی و گه‌هاندنا په‌یاما دلی یه.
زێده‌تر گۆت: شانۆ نه‌بوویه ده‌رگه‌هه‌ك كو ب داهاتێ وێ بژیم به‌لێ شانۆ بوویه ده‌رگه‌هه‌ك په‌یا ما خوه و جڤاكی بگه‌هینم و دیاركه‌م ژیان ب ڤی ره‌نگی یه، دیسان كۆمه‌كا دابو نه‌ریتێن كه‌ڤن یێن تێدا ماین و دبینم نه دروستن و شانۆ خه‌ونا من یا زارۆكینیێ بوویه.
