كافیه‌كا پشیكان ل هه‌ولێرێ هاته ڤه‌كرن
هه‌ولێر، سولین سلێمان:
بۆ جارا ئێكێ ل سه‌ر ئاستێ هه‌رێما كوردستنانێ و هه‌موو پارێزگه‌هێن ئیراقێ، كافیه‌كا پشیكان ل هه‌ولێرێ هاته ڤه‌كرن و خودانا وێ دبێژیت: ئه‌ڤ پرۆژه نامه‌كا مرۆڤایه‌تیه بۆ پاراستنا مافێن ئاژه‌لان و حه‌زژێكرنا وان ب شێوازێن دروست.
ئایا عه‌بدواناسر، خودانا وێ كافیێ، د دیداره‌كێ دا بۆ رۆژناما ئه‌ڤرۆ دبێژیت: ئه‌ڤه پرۆه‌كێ خێزانی یه، ئه‌م خێزانه‌كین ژ وه‌لاتێ سۆریێ هاتینه هاتینه هه‌رێما كوردستانێ و مه هه‌ولێر هه‌لبژارت چنكو جهه‌كێ گونجایه بۆ ڤی كاری، ئه‌ڤ كافیه نه پرۆژه‌كێ بازرگانیه، به‌لكو مه‌ره‌م ژ ڤه‌كرنا وی ئه‌وه دێ چاوا ره‌فتارێ ل گه‌ل پشیكان كه‌ین، چنكو گه‌له‌ك كه‌س هه‌نه حه‌ز ژ بخودانكرنا پشیكان دكه‌ن، به‌س ره‌نگه ل مال جهێ گونجای بۆ نه‌بیت، چنكو بخودانكرنا وان به‌رپرسایه‌تیه‌كا مه‌زنه و كه‌سێن سه‌ره‌دانا ڤی جهی دكه‌ن هندی د كافیێ ڤه‌بن دشێن بۆ خوه یاریان ل گه‌ل پشیكان بكه‌ن و ده‌مێن خۆش ل گه‌ل ببۆرینن، بۆ زانین نوكه ده‌ه كه‌س لڤی جهی كاردكه‌ن و ئه‌ڤ پرۆژه نامه‌كا مرۆڤایه‌تیه بۆ پاراستنا مافێن ئاژه‌لان و حه‌زژێكرنا وان ب شێوازێن دروست.
