به‌هره‌مه‌ند پێدڤی ب ناڤه‌ندێن ئه‌كادیمی یه
زاخۆ، عه‌لی حاجی:
ردوان جه‌مال، گه‌نجه‌كێ باژێرێ زاخۆیه و شاره‌زایه د بۆارێ ئامیرێن ئه‌لكترونی دا، د دیداره‌كێ دا بۆ رۆژناما ئه‌ڤرۆ گۆت: پێدڤی یه ئێدی ب رژدی كار ل سه‌ر هندێ بهێته كرن شیانێن قوتابیان ل ناڤ ناڤه‌ندێن خواندنێ دا و ئێدی جیهان یا به‌رب ئه‌لكترونیه‌تێ ڤه چوویه و مێشكی قوتابی ژی پێدڤی ب ڕیفۆرمێن نوویه.
زێده‌تر گۆت: ده‌مه‌كێ درێژه قوتابیان دناڤ ناڤه‌ندێن خواندنێ دا قوتابی هه‌بووینه گرنگیێ ب شیانێن خوه ددان د بۆارێ داهێنانێ دا یا نژی ته‌كنه‌لۆژیایێ پشكه‌كا كێم ژ ماموستایان پشته‌ڤانی ل وان قوتابیان دكر و هنده‌ك جاران ژی تێبینیێن خوه ل سه‌ر پرۆژه‌یێن وان ددان، به‌لێ ئه‌ڤه تێرا هندێ ناكه‌ت كو بێژین ئه‌ڤ كاره به‌رب پێشڤه بچیت و داهێنانێن باشتر بهێنه ئه‌نجام دان، ژبه‌ركو ناڤه‌ندێن خواندنێ پێدڤی ب رێفورمێن نوویه ب تایبه‌تی ژی د بابه‌تێ پشته‌ڤانیكرنا قوتابی دا كو به‌رب پێشڤه‌برنا شیانێن قوتابیان د ئاسته‌كێ سنۆردار كری دا نه‌بیت به‌رۆڤاژی ئاستێ قوتابیان بگه‌هیته ئاسته‌كێ باش كو جڤاك ب خوه ژی مفایی ژێ ببینیت . چنكو جیهان یا به‌رب جیهانا ئه‌لكترونیه‌تێ ڤه دچیت و جیهان یا د قوناغه‌كا بله‌ز دا دچێت و پێدڤی یه هنده‌ك پێنگاڤێن بله‌ز بهێنه هاڤێتن و ئێدی كه‌سانێن به‌هره‌مه‌ند ل سه‌ر بنایه‌ته‌كی ئه‌كادیمی بهێنه پێگه‌هاندن كو ناڤه‌نده‌ك دئاسته‌كێ بلند دا بهێته دانان.
