كه‌ناله‌كێ ده‌ڤه‌را به‌هدینان سۆزا خوه ل گه‌ل من بجه نه‌ئینا
سلێمانیێ، عه‌زیز هه‌ورامی:
سترانبێژ (رۆبار ره‌شید كاكه‌یی) د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه ده‌مه‌كه ئه‌و مژوولی تۆماركرنا دو سترانێن نوویه، یا ئێكێ ل دۆر غه‌ریبیێ یه ل نێزیك دێ به‌لاڤ بیت، یا دویێ هه‌كه چو ئاریشه نه‌بن به‌ری سال ب دووماهی بهێت دێ به‌لاڤكه‌ت.
رۆبارێ گۆت: ژبه‌ر حه‌زا من بۆ ده‌ڤه‌را به‌هدینان و خه‌لكێ وێ یێ خۆشتڤی من سترانه‌ك بۆ وێ ده‌ڤه‌رێ چێكربوو، كه‌ناله‌كێ وێ ده‌ڤه‌رێ سۆزدا بوو بۆمن كلیپ بكه‌ن، لێ مخابن سۆزا خوه بجه نه‌ئینان و ئه‌ز ژبیركرم، له‌ورا ژ نه‌چاری بتنێ وه‌كو ده‌نگ من به‌لاڤكر، بۆ زانین تێچۆیێ پتریا به‌رهه‌مێن من هه‌ڤژینێ من (هه‌ژار ره‌شیدی) كو ئه‌و ژی رۆژنامه‌ڤانه دده‌ت، ئانكو ئه‌و پشته‌ڤانێ من یێ سه‌ره‌كی یه.
