رۆسیا هێزێن خوه ل كۆبانێ بجه كر
ئه‌ڤرۆ:
ناڤه‌ندا چاڤدێریا مافێن مرۆڤی یا سووریێ راگه‌هاند كو به‌ری دو رۆژان رۆسیا بنگه‌هه‌كێ نوو یێ سه‌ربازی ل كۆبانێ ئاڤا كر و نها سه‌ربازێن رۆسیا ل وی بنگه‌هی بجه بووینه، هه‌روه‌سا رۆسیا چه‌كێ گران ژی برینه كۆبانێ و ئه‌و یه‌ك بوویه جهێ دلخوه‌شیا وه‌لاتیێن كورد ل كۆبانێ.
ناڤه‌ندا چاڤدێریا مافێن مرۆڤی یا سووریێ دیار دكه‌ت كو ناكۆكیێن گه‌له‌ك مه‌زن د ناڤبه‌را رۆسیا و توركیا دا ل دۆر سووریێ هه‌نه، چونكی رۆسیا ب چو ره‌نگه‌كێ نه‌ڤێت توركیا ئێرشی رۆژئاڤایێ كوردستانێ بكه‌ت و ژ به‌ر هندێ ژی ئاڤاكرنا بنگه‌هه‌كێ نوو ل كۆبانێ ئاماژه‌كا باشه كو رۆسیا ل دژی هندێ یه توركیا ئێرشی رۆژئاڤایێ كوردستانێ بكه‌ت.
ئه‌و یه‌ك د ده‌مه‌كێ دایه كو به‌ری چه‌ند رۆژان سیرگێی لاڤرۆڤ وه‌زیرێ ده‌رڤه یێ رۆسیا ژی راگه‌هاند كو نابیت رێ ب توركیا بهێته دان كو ئێرشی باكورێ سووریێ بكه‌ت، چونكی ئه‌و یه‌ك دێ بیته ئه‌گه‌رێ روودانا ئالۆزیێن نوو ل سووریێ.
