ل ده‌مێ وێنه‌كرنا فلمه‌كی ئه‌كته‌ره‌ك د قاتێ سێیێ دا كه‌ڤیت
دهۆك، زنار تۆڤی:
ل ده‌مێ وێنه‌كرنا فلمێ (مارێ ره‌ش) ل هه‌ولێرێ، ئه‌كته‌ره‌كێ وی فلمی ژ قاتێ سێیێ یێ ئاڤاهیه‌كێ دكه‌ڤیته خوار و ره‌وشا وی یا ساخله‌مییێ یا خرابه.
هاورێ قادر ره‌شید، ده‌رهێنه‌رێ وی فلمی، د دیداره‌كێ دا بۆ رۆژناما ئه‌ڤرۆ دیاركر كو ناڤێ وی ئه‌كته‌ری (محه‌مه‌د حه‌مزه مه‌جید) ه، ئه‌و روودانه ل وی ده‌می چێبوویه، ده‌مێ ئه‌م مژوولی وێنه‌كرنا دیمه‌نه‌كی و ژ ئه‌نجامێ خه‌مساریا هنده‌ك كارمه‌ندان ئه‌و روودانه چێبوویه، ئه‌و بانێ مه فلم ل سه‌ر چێدكر بانه‌كێ كه‌ڤن بوویه، وی ئه‌كته‌ری ژی نه‌زانی، كو ئه‌و بان ل هنده‌ك جهان یێ خرابه و هنده‌ك ده‌پ ل سه‌ر هه‌نه، ده‌مێ پێن وی كه‌فتییه سه‌ر وان ده‌پان، ئێكسه‌ر كه‌فت و د قاتێ سییێ دا هاته خوار، نوكه ئه‌و ئه‌كته‌ره ل نه‌خۆشخانێ یه و نۆشداران ژی چ هیڤی یێن باشبوونێ نه داینه مه، ئه‌و ئه‌كته‌ره د ناڤبرا مرن و ژیانێ دایه و ره‌وشا وی یا خرابه، چونكی تووشی خوینبه‌ربوونێ بوویه و نۆشدار نه‌شێن نشته‌رگه‌ری یێ ژی بۆ بكه‌ن.
