پلنگ كیڤی: د هزارا من دایه ده‌قێن شانۆیێ بنڤیسم
دهۆك، شاكر ئه‌تروشی:
شانۆڤان (پلنگ كیڤی) د دیداره‌كێ دا بۆ رۆژناما ئه‌ڤرۆ گۆت: ده‌مێ ئه‌ز قوتابی ل قوناعا ناڤجی حه‌زا شانۆیێ ل ده‌ف من هه‌بوو، له‌ورا ئه‌ز چوومه په‌یمانگه‌ها هونه‌رێن جوان/پشكا شانۆییًَ، پشتی ده‌رچوونێ ئه‌ز چوومه هه‌مان پشك ل كولیژا زانستێن مرۆڤایه‌تی ل زانكۆیا دهۆك من ئه‌و ژی ب دووماهی ئینا و نوكه ماموستایێ شانۆیێ مه ل چالاكیێن قوتابخانان ل په‌روه‌ردا قه‌زا دهۆك/رۆژهه‌لات.
ناڤهاتی گۆت: شانۆگه‌ریا ئێكێ من پشكداری تێدا كری ل 2003 بوو ل ناڤنجیا كاروان، دووڤدا ل 2005 ل زانكۆیا دهۆك و هه‌تا نوكه یێ به‌رده‌وامم و هژمارا شانۆگه‌ریێن من پشكداری تێدا كری دوازده نه، ل گه‌ل فلمه‌كێ سینه‌مایی یێ فره‌نسی پرتوغالی كو ل دۆر شه‌ڕێ داعش بوو، ل دهۆكێ هاته وێنه‌كرن، ناڤێ فلمی (بوك) بوو، ژ ده‌رهێنا سیرجیۆ بوو، هه‌روه‌سا من پشكداری د درامایێن ته‌حل و شرین و ئازادیا ناڤی دا كریه، بۆ ده‌مێ بهێت ژی د هزارا من دایه ده‌قێن شانۆیێ بنڤیسم، بۆ زانین هه‌ڤژینا من (دلڤین عه‌لی) ئه‌و ژی شێوه‌كاره، ئه‌م هه‌ردو باش دهه‌ڤدۆ دگه‌هین و پشته‌ڤانێن ئێكین، له‌ورا هه‌تا نوكه د به‌رده‌وامین و كوڕێ مه (محمه‌د) ژی حه‌زا مۆزیكێ یا هه‌ی و دێ پشته‌ڤانبین و داخوازا من ژ جهێن شۆله‌ژێ ئه‌وه پتر هاریكاریا هونه‌رمه‌ندان بكه‌ن، هه‌روه‌سا گه‌له‌ك زارۆیێن به‌هره‌مه‌ند ژی هه‌نه پێدڤی ب هاریكاری و پشته‌ڤانیێ نه.
