1700 وێنه ل ده‌ف خوه پاراستینه
دهۆك، شاهۆ فه‌رید:
ره‌مه‌زان سه‌لیم، خودانێ چایخانه‌كێ یه ل باژیرێ زاخۆ، د دیداره‌كێ دا بۆ رۆژناما ئه‌ڤرۆ دبێژیت: ل سالا 1994 من ده‌ست بڤی كاری كریه و ل گه‌ل مه‌زن بوویمه، ل سالا 2007 هزره‌ك بۆمن چێبوو كو وێنێن كه‌ڤنار و دێرین كۆمبكه‌م و ل ڤێره نیشا خه‌لكی بده‌م دا مێژۆ و د یرۆكا ده‌ڤه‌رێ نه‌هێته ژبیركرن.
زێده‌تر گۆت: كۆمكرنا ڤان وێنان گه‌له‌كا ب زه‌حمه‌ت بوو، چونكو هه‌ر وێنه‌كێ چیرۆكه‌كا دوور و درێژ هه‌یه، نوكه 1200 وێنه ل چایخانا من د هه‌لاویستینه و500 دی ژبه‌ر نه‌بووناجهی ماینه، وێنه هه‌موو یێن كه‌سایه‌تی و سه‌ركرده و سه‌رۆك عه‌شیر و ماقولێن ده‌ڤه‌رێ نه و هه‌كه جهێن شۆله‌ژێ هاریكاریا من بكه‌ن دێ جهێ خوه به‌رفره‌هتر لێ كه‌م، بۆ زانین قه‌ده‌غه‌یه وێنه بۆ وێنان بهێنه گرتن، چونكو ئه‌ڤ وێنه وه‌كو ئه‌مانه‌تن ل ده‌ف من و گه‌له‌ك قوتابێن زانكۆیێ و ماسته‌رێ دهێته ڤێ چایخانی و بۆ دانا پێزانینان هاریكار وان دكه‌م.
