ب رۆلێ جیهۆیێ به‌رنیاس بوو
دهۆك، هه‌رهین محه‌مه‌د:
فه‌له‌ك ره‌مه‌زان، ئه‌كته‌ره‌كا خه‌لكا رۆژئاڤایێ كوردستانێ یه، د دیداره‌كێ دا بۆ رۆژناما ئه‌ڤرۆ دیاركركو ده‌مێ ئه‌و ئه‌كته‌ریێ دكه‌ت حه‌زدكه‌ت رۆلێن خه‌مگین بگێریت و دبێژیت چ جوداهی دناڤبه‌را ژنێ و زه‌لامی دا نینه و ڤی كاری دكه‌ت نه ژبه‌ر پاره و به‌رنیاسبوونێ، بتنێ مه‌ره‌ما وێ ئه‌وه ب رێیا درامایێ ئێش و ئازارێن ملله‌تێ كورد بۆ وه‌لاتێن بیانی دیاربكه‌ت.
ناڤهاتیێ گۆت: ئه‌ز ل گه‌ل هه‌موو ئه‌كته‌ر و ده‌رهێنه‌ران یا ئارامم و بۆ چ كارێن خوه یێن هونه‌ری نه‌یا په‌شێمانم و هه‌تا نوكه من چ رۆلێن نه‌باش نه‌گێراینه و ل سالا 2013 من فلمه‌كێ سینه‌مایی ل گه‌ل ده‌هێنه‌ر وه‌لید چێكر، پاشان ل گه‌ل ده‌رهێنه‌ر شینوار كه‌مال ددراما ڤه‌كولین دا كاركر، هه‌روه‌سا درامێن (سنۆر) و (ئاخ و تاخ) ژی دا پشكداربوویمه و من رۆلێ جیهۆیێ گێرا و ب وی رۆلی گه‌له‌ك به‌رنیاس بووم.
