دیرۆكا په‌روه‌رده و فێركرنێ ل پارێزگه‌ها دهۆكێ
دهۆك، زنار تۆڤی:
موسه‌ده‌ق تۆڤی، نڤیسه‌رێ پرتووكا (دیرۆكا په‌روه‌رده و فێركرنێ ل پارێزگه‌ها دهۆكێ) د داخویانیه‌كێ دا بۆ رۆژناما ئه‌ڤرۆ دیاركر كو به‌ری چه‌ند رۆژان پرتووكا وی گه‌هشتیه و ل به‌ره ل چه‌ند رۆژێن بهێن درێ و رسمه‌كێ ژ هه‌ژی دا ژلایێ رێڤه‌به‌ریا گشتی یا په‌روه‌ردێ ل پارێزگه‌ها دهۆكێ ل سه‌ر هه‌موو قوتابخانێن سنۆرێ پارێزگه‌ها دهۆكێ بهێته به‌لاڤكرن.
تۆڤی گۆت: پرتووك ژسێ به‌رگان پێك دهێت، كو هه‌موو دبنه (1922) به‌رپه‌ر، نێزیكی پێنج سالان مه كار تێدا كریه، ئه‌ڤه به‌رهه‌مێ ئێكێ یه ل سه‌رانسه‌ری هه‌رێما كوردستانێ دڤی بۆاری دا ب زمانێ كوردی هاتیه نڤیسین، هه‌موو دیرۆكا په‌روه‌ردێ ل سنۆرێ پارێزگه‌ها دهۆكێ ل گه‌ل چه‌ند بابه‌ت و مژارێن دی یێن تایبه‌ت ب خوه ڤه‌دگریت، وه‌زاره‌تا په‌روه‌ردی یا حكومه‌تا هه‌رێما كوردستانێ و رێڤه‌به‌ریا گشتی یا په‌روه‌ردێ ل پارێزگه‌ها دهۆكێ ب ئه‌ركێ چاپكرنا پرتووكێ رابووینه، به‌رگێ ئێكێ پێكهاتیه ژ هه‌شت پشكان، هه‌ر پشكه‌كێ ڤه‌كولینه‌كا به‌رفره‌ه ل سه‌ر لایه‌كێ په‌یوه‌ندی ب ره‌وشا په‌روه‌ردێ ڤه هه‌ی هاتیه به‌لاڤكرن، بۆ نموونه ڤه‌كرنا قوتابخانا ئێكێ ل پارێزگه‌ها دهۆكێ و به‌رگێ دویێ به‌حسێ دیرۆكا خواندنا كوردی ل سنۆرێ پارێزگه‌ها دهۆكێ دكه‌ت و به‌رگێ سێیێ ژی به‌حسێ خواندنا ئه‌هلی و ژیانناما هنده‌ك ماموستایێن پێشه‌نگ دكه‌ت، ل گه‌ل هژماره‌كا زۆرا دكیۆمه‌نت و وێنه و باوه‌رنامێن ماموستایان.
