كه‌ڤالێن وی ل دۆر دابونه‌ریتێن ئێزدیانه
سێمێل، دلڤین ره‌شید:
شێوه‌كار (دلدار خودێدا) د دیداره‌كێ دا بۆ رۆژناما ئه‌ڤرۆ دیاركر، هه‌ر ژ زارۆكنیا خوه وی كارێ وێنه‌كێشانێ كریه، ئه‌و حه‌ز ل گه‌ل وی مه‌زن بوویه، هه‌تا گه‌هشتیه وێ چه‌ندێ به‌ر ب بۆارێ ئه‌كادیمی ڤه بچیت و پشكا هونه‌رێ شێوه‌كاری ب دووماهی بینیت.
نافهاتی گۆت: پشتی من قوناغا شه‌شێ ئاماده‌یی ب دووماهی ئینای، مالباتا من ئه‌ز هاندام بچمه كولیژا زانستێن مرۆڤایه‌تی پشكا شێوه‌كاری، ئه‌ڤێ ئێكێ پتر هاریكاریا من كر ب شێوزه‌كی زانستی و باشتر كه‌ڤالێن چێكه‌م و ناڤه‌رۆكا پتریا كه‌ڤالێن من ل دۆر دابونه‌ریتێن ئێزدیانه، ب تایبه‌ت ژی جلكێن كلتۆری، به‌لێ مخابن ئه‌ڤ كاره نه‌بوویه ده‌رگه‌هه‌ك بۆ ژیانا من، به‌لێ ئێك ژ حه‌زێن من بوویه كو هه‌تا نوكه ئه‌ز یێ به‌رده‌وامم، چنكو دجفاكێ مه دا هێژ گرنگیا هونه‌رێ نوزانن، ژبه‌ر هندێ شێوه‌كار نه‌شێن بڤی كاری بژین.
