شێوه‌كاره‌كا دهۆكێ خوه ب كه‌سه‌كا مه‌غدۆر دبینیت
دهۆك، شاكر ئه‌تروشی:
هونه‌رمه‌ندا شێوه‌كار (دلڤین سالم عه‌بدوالره‌حمان) د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووكدا حه‌زا وێنه‌چێكرنێ ل ده‌ف من هه‌بوو، له‌ورا هه‌ر ل قوناغا ناڤنجی من ده‌ستپێكر و پشكداری د پێشانگه‌هێن قوتابخانێ دا كر، پشتی مالا مه كه‌ڤالێن من دیتین پشته‌ڤانیا من كرن ئه‌ز چوومه په‌یمانگه‌ها هونه‌رێن جوان و پشتی ده‌رچوونێ چوومه پشكا شێوه‌كاری ل كولیژا زانستێن مرۆڤایه‌تی ل زانكۆیا دهۆك و ئه‌ز بوومه سه‌ركه‌فتیا سێی ل سه‌ر ئاستێ پشكا خوه.
دلڤینێ گۆت: ل هه‌ر پێنج سالێن خواندنێ من پشكداری د پێشانگه‌هێن په‌یمانگه‌هێ دا كریه، هه‌روه‌سا د دوازده پێشانگه‌هێن هه‌ڤپشك ژی دا پشكداربوویمه، لێ هه‌تا نوكه ژبه‌ر نه‌بوونا پشته‌ڤانیێ من چو پێشانگه‌هێن تایبه‌ت نه ڤه‌كرینه و ناڤه‌رۆكا پتریا كه‌ڤالێن من ل دۆر مافێ ژنان و سروشتێ كوردستانێ نه و پشته‌ڤانێ من یێ سه‌ره‌كی هه‌ڤژینێ من ماموستا و هونه‌رمه‌ند (پلنگ كیڤی) یه و هه‌كه ئه‌و نه‌با ئه‌ز نه‌دشیام یچمه زانكۆیێ.
ل دووماهیێ گۆت: هه‌موو هه‌ڤالێن ل په‌یمانگه‌هێ ل گه‌ل من ده‌رچووین هاتینه دامه‌زراندن و ئه‌ز بتنێ مایمه ل مال، بۆ زانین نمرێن من ژ یێن گه‌له‌ك ژوان باشتر بووینه، لێ ئه‌و هاتینه دامه‌زراندن و ئه‌ز بتنێ مایه و هه‌ر جاره‌كا سه‌ره‌دانا په‌روه‌ردێ دكه‌م بۆ من به‌حسی سسیته‌می دكه‌ن، له‌ورا ئه‌ز خوه ب كه‌سه‌كا مه‌غدۆر دبینم و مافێ من بوو ئه‌ز ژی ل گه‌ل هه‌ڤالێن خوه هاتبامه دامه‌زراندن.
