52 سالن چایێ ناڤه‌خۆت
دهۆك، شاكر ئه‌تروشی:
ئیبراهیم خه‌لیل نه‌جم، ئاكنجیه‌كێ خه‌لكێ دهۆكێ، ژیێ وی (52) سالن، هه‌تا نوكه چو جاران چا نه ڤه‌خواریه و ده‌مێ كه‌سه‌ك داخوازا چایه‌كێ ژێ دكه‌ت ب دلێ وی نینه و گه‌له‌ك پێ عاجز دبیت.
ناڤهاتی بۆ رۆژناما ئه‌ڤرۆ گۆت: ئه‌ز ژ دایكبوویێ سالا (1970) مه، ئانكو ژیێ من (52) سالن، هه‌تا نوكه چو جاران من چا نه ڤه‌خواریه و نوزانم تاما وێ ژێ چاوایه، هه‌تا حه‌زناكه‌م كه‌سه‌ك بێژیته من كا بۆ من چایه‌كێ داخوازكه یان تێكه، بۆ زانین هه‌تا نوكه ئه‌ز نوزانم چاوا چایێ چێدكه‌ن و به‌رده‌وام خه‌لك دبێژنه من تۆ چاوا دشێی تێشتێ بێ چا بخۆی؟ به‌رسڤا من هه‌ر ده‌م ئه‌وه هه‌تا نوكه نه‌چا نه قه‌نداڤ ب ئێكجاری نه‌چووینه ناڤ گه‌وریا من و هه‌ر من ئاگه‌ه ژێ نینه، هه‌روه‌سا برایه‌كێ من ژی چایا ناڤه‌خۆت، زارۆیێن من ژی گه‌له‌ك كێم ڤه‌دخۆن.
