په‌ری حه‌ز ژ ده‌نگێ هونه‌رمه‌ند عه‌بدولقه‌هار زاخۆیی دكه‌ت
ئه‌ڤرۆ، هه‌رهین محه‌مه‌د:
په‌ری رۆژهه‌لاتی سترانبێژا رۆژهه‌لانێ كوردستانێ د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دبێژیت: ستایلێ من پتر یێ ده‌واتایه، به‌لێ دشێم هه‌موو سترانان بێژم و پتر حه‌ز ژ سترانا ئه‌ڤینی دكه‌م ل ده‌واتان بێژم، چونكو سترانا ئه‌ڤینی نامریت و هه‌رده‌م حه‌ز ژێكه‌رێن خوه هه‌نه و دبینتم چوجاران هونه‌رێ ستران گۆتنێ ناهێته به‌رامبه‌ری پاران و من گه‌له‌ك حه‌ز بۆ سترانان هه‌یه، له‌ورا دبێژم.
خانما رۆژهه‌لاتی ئه‌و چه‌نده ژی گۆت: ل رۆژهه‌لات و باكوورێ كوردستانێ سترانبێژێن ئافره‌ت هه‌نه دچنه ده‌واتان و سترانان دبێژن و ل باشوور مه سترانبێژێن ئافره‌ت نینن بچنه ده‌واتان و هێشتا داب و نه‌ریت ل سه‌ر مه دزالن و سه‌ره‌رایی ڤێ چه‌ندێ مه ئافره‌تێن ده‌نگ خوه‌ش هه‌نه و حه‌ز هه‌یه ل ده‌وات و شه‌هیانان سترانان بێژن و گه‌له‌ك حه‌ز ژ ده‌نگێ هونه‌رمه‌ند عه‌بدولقه‌هار زاخۆیی دكه‌م و حه‌زدكه‌م سترانان ل گه‌ل وی بێژم و هه‌ر چه‌نده من ئه‌و ژنێزیك نه‌دیتیه و من ل گه‌ل نه‌ئاخفتیه و ستایلی من و وی ل گه‌ل ئێك ناگونجیت، به‌لێ هه‌موو سترانێن وی ئه‌ڤینی نه و دلسۆتی نه و من گه‌له‌ك حه‌زدكر سترانا وی یا بناڤێ دلێ من مریه یا من با و من گۆتبا و ده‌مێ دمینمه بتنێ وێ سترانێ و گه‌له‌كێن دی ل گه‌ل خوه دبێژم.
