گه‌له‌ك حاران هه‌ستداریا دفنێ دبیته ئه‌گه‌رێ ڤه‌قه‌تیانێ ژ كاری
دهۆك، شڤان لقمان:
د.لقمان عبابكر، تایبه‌تمه‌ندێ نه‌خوشیێن گوھ و دفن و گه‌وریێ دیاركر حه‌ساسیا دفنێ نه‌خۆشیه‌كا دومدرێژ و به‌ربه‌لاڤه هه‌روه‌سا ره‌گه‌زێ نێر و مێ و زاڕۆك و مه‌زن تووش دبنێ، زور جاران ئه‌ڤ نه‌خۆشیه دبیته ئه‌گه‌ر ڤه‌قه‌تیانا نه‌خوشی ژ كارێ وی.
چ ئه‌گه‌رێن دەستنیشانكری نینن بو تووشبوونا نه‌خوشی ب نه‌خوشیا حه‌ساسیا دفنێ، به‌لێ گه‌له‌ك پالدەر هه‌نه كو ببنه ئه‌گه‌ر ب ڤێ نه‌خوشیێ ژ وان ئه‌گه‌ران ژی زكماكی، هه‌روه‌سا ژ ئه‌گه‌رێن دی ژینگه‌ها نه‌خوشیه ئه‌و جهێ لێ دژین و كارێ وی ب تایبه‌ت ئه‌و كارێن گه‌له‌ك تۆز یان دووكێل لێ هه‌بیت، هه‌روه‌سا خوارنا نه‌خوشی زور جاران دبیته ئه‌گه‌رێن ڤێ نه‌خوشیێ ژوانژی خوارنا تیژ و تڕش كو دبنه ئه‌گه‌رێ ڤێ نه‌خوشیێ و گۆت: دو جۆرێن ڤێ نه‌خوشیێ هه‌نه، جورێ ئێكێ یێ وه‌رزیه كو ل دەڤ نه‌خوشی ل وه‌رزەكێ دیاركری دیاردبیت، جورێ دوێ كو ل هه‌موو وه‌رزێن سالێ ل دەڤ نه‌خوشی یا به‌ردەوامه.
د.لقمان عبابكر دازانین ژ نیشانێن ڤێ نه‌خوشیێ گه‌له‌ك هاتنا خارێ یا ئاڤێ ژ دفنا نه‌خوشی، هه‌روه‌سا گه‌له‌ك بێهنژین، مروڤێ نورمال د رۆژه‌كێدا سێ هه‌تا پێنچ جاران د روژێ دا دبێهنژیت بێ كو كارتێكرن لێ ببیت، به‌لێ كه‌سێن تووشبووی ب ڤێ نه‌خوشیێ د هه‌رجاره‌كێ دا هه‌تا ده‌ه جاران سه‌رئێك د بێهنژیت، هه‌روه‌سا گه‌له‌ك جاران ئه‌و ئاڤه دگه‌هیته حه‌فكێ و دبیته ئه‌گه‌رێ دروستبوونا بلغه‌می بو نه‌خوشی، هه‌روه‌سا ژ نیشانێن دی یێن ڤێ نه‌خوشیێ ئێشانا ناڤ چاڤان و دەوروبه‌رێن دفنێ، هه‌روه‌سا زور جاران خوریانا چاڤان و روندك دبیت ژ نیشانێن ڤێ نه‌خوشیێ بن، زور جاران توندیا ڤێ نه‌خوشیێ دبیته ئه‌گه‌ره‌ك بو هنده‌ك نه‌خوشیێن دی وه‌ك زێدەهیا گوشتی دناڤ دفنێ و خوریانا له‌شی و حه‌ساسیا پیستی، هه‌روه‌سا حه‌ساسیا سینگی.
تایبه‌تمه‌ندێ نه‌خوشیێن گوھ و دفن و گه‌وریێ خویاكر رێكێن چاره‌سه‌ریا ڤێ نه‌خوشیێ پێدڤیه نه‌خوش ژ وان ئه‌گه‌رێن نه‌خۆشیێ دوور بكه‌ڤیت و گۆت: ئه‌و تشتێن تو بزانی دبنه ئه‌گه‌رێ زێده‌بوونا حه‌ساسیێ پێدڤیه خوه ژێ دووربێخی و ل سه‌ر كار و ژینگه‌ها نه‌خوشی دمینیت كا چه‌ند یا هاریكاره، هه‌روه‌سا ژ رێكێن دی یێن چاره‌سه‌ریا ڤێ نه‌خوشیێ ب كارئینانا دەرمانانه و گوت: به‌خاخ ئێك ژوان چاره‌سه‌ریێن سه‌ره‌كیه بو نه‌خوشان و پێدڤیه نه‌خۆش بزانیت كو ب كارئینانا به‌خاخێ ژی ل دووڤ رێنمایێن نوشداری بیت، هه‌روه‌سا ب كارئینانا ئه‌وان دەرمانێن دژی حه‌ساسیێ و گه‌له‌ك نه‌خوش هه‌نه داخازا دانانا دەرزیكان دكه‌ن بو ماوێ شه‌ش هه‌یڤان یان ساله‌كێ كو تووشی حه‌ساسیا دفنێ نه‌بن، به‌لێ ئه‌ڤان دەرزیكان هیچ راستیه‌ك بو نینه، ل ده‌مێ نه‌خوش نه‌شیا نه‌خوشیا خوه كونترول بكه‌ت وی ده‌می نه‌خوش پێدڤی ب چاره‌سه‌ریا به‌رگریێ یه نه‌خوش دەرزیا ل بن پیستی یان ب رێكا دانا دەرمانی ل بن ئه‌زمانی ئه‌و ئه‌گه‌رێن دبنه تووشبوونا حه‌ساسیا دفنێ، هێدی هێدی دێ وه‌رگریت تاكو له‌شێ نه‌خوشی به‌رگریێ وه‌ردگریت و بوورینا ده‌می ئه‌ڤ حه‌ساسیه كێم دبیت.
