ئه‌ڤرۆ سێ پرتووك ل سه‌نته‌رێ پێشمه‌رگه دێ هێنه به‌لاڤكرن
دهۆك، شاكر ئه‌تروشی:
سه‌نته‌رێ پێشمه‌رگه یێ ره‌وشه‌نبیری ل دهۆكێ، ل به‌ره ئه‌ڤرۆ 10/10/ 2022 ل ده‌مژمێرچار و نیڤی ئێڤاری، سێ پرتووكێن نڤیسه‌ر و وه‌رگێڕێ دووری وه‌لات (سادق سالح) به‌رنیاس ب (بابێ جه‌نگۆ) درێورسمه‌كێ تایبه‌ت دا ل هولا سه‌نته‌ری به‌لاڤ كه‌ت، پرتووكێن دێ هێنه ئیمزاكرن و به‌لاڤكرن ئه‌ڤه‌نه ( ئه‌و ژنێن جیهان هه‌ژاندنی و كۆمارا مشكا و مرن ل پێناڤێ ژیانێ) نه.
ل دۆر پرتووكا (ئه‌و ژنێن جیهان هه‌ژاندی) وه‌رگێڕی بۆ رۆژناما ئه‌ڤرۆ گوت: من گه‌له‌ك ب گرنگی دیت ئه‌ڤ پرتووكه بهێته وه‌رگێڕان بۆ سه‌ر زمانێ كوردی سه‌ره‌رای كو 735 لاپه‌رێن قه‌بارێ مه‌زنن، لێ بدیتنا من دێ خوانده‌ڤا گه‌له‌ك مفای ژ خواندنا وێ و سه‌ربۆرێن وان ژنان وه‌رگریت، یێن شیاین ل سه‌رانسه‌ری جیهانێ هه‌موویێ ناڤێ خوه د دیرۆكێ دا تۆماربكه‌ن. جهێ ئاماژێ یه كو خودانێ ڤان هه‌ر سێ پرتووكان، چه‌ندین پرتووكێن دی ژ زمانێن بیانی وه‌رگێڕاینه سه‌ر زمانێ كوردی.
