دخوازیت برانده‌ك ب ناڤێ وێ هه‌بیت
دهۆك، شاهۆ فه‌رید:
شه‌هلا عه‌بدولقه‌هار، كچه‌كا خه‌لكا دهۆكێ یه، فرۆشكار و بریكارا كۆمپانیه‌كا كه‌ره‌سته‌یێن پاقژكرنی و گولاڤایه، ئه‌ڤه بۆ ماوێ شه‌ش سالانه كاری َفرۆشیاریێ د ناڤ بازاری دا دكه‌ت، ب گۆتنا وێ بابێ وێ پالپشت و هاریكار بوویه ل گه‌لدا، له‌ورا دژیێ چارده سالیێ دا ده‌ست ڤی كاری كریه.
ناڤهاتیێ بۆ رۆژناما ئه‌ڤرۆ گۆت: ده‌سپیكا من ل گه‌ل ڤی كاری بێ ترس و دوو دلی بوویه، لێ من زه‌حمه‌ت ژی ده‌ربازكرینه هه‌تا كو بشێم یا به‌رده‌وامبم، راسته رێگری به‌رامبه‌ری من نه‌بوویه و دخوازم هه‌موو مالبات ل گه‌ل زارۆیێن خوه د هاریكاربن بۆ هه‌ركاره‌كی و رێگریێ لێ نه‌كه‌ن، ب تایبه‌ت بۆ كچێ، ل ده‌مێ بهێت من ڤێت پێشه‌یا خوه به‌رفره‌هتر لێ بكه‌م و كارگه‌هه‌كا كه‌ره‌سته‌یێن پاقژكرنێ و گولاڤان دانم، براندا من هه‌لگرا ناڤێ من خوه بیت، هه‌كه من پرۆژێ خوه من ده‌ستپێكر دی ده‌لیڤا كاری پتر ده‌مه كچان.
