فلمێ ئه‌زموون به‌ربژێرێ وه‌لاتێ ئیراقێ یه بۆ ئۆسكارا 2023
دهۆك، كاوین جیهاد:
فلمێ ئه‌زموون یێ ده‌رهێنه‌ر(شه‌وكه‌ت ئه‌مین كوركی) هاتیه به‌ربژێرێن ب نوونه‌راتیا كۆمارا ئیراقێ بۆ پشكداریكرنێ د به‌ریكانا ئۆسكارا 2023 دا، پشكا فلمێن بیانی.
فلمێ ئه‌زموون ژ به‌رهه‌مێ حكومه‌تا هه‌رێما كوردستانێ و وه‌لاتێ ئه‌لمانیایه، فلمه‌كێ جڤاكی یه ناڤه‌رۆكا وی به‌حسێ چه‌ندین دیاردێن جڤاكی دكه‌ت، ژوانا ئاریشێن گرێدای په‌روه‌ردێ و ئه‌و ئاسته‌نگێن دكه‌ڤنه درێیا ژنان دا، ڤی فلمی هه‌تا نوكه چه‌ندین خه‌لاتێن جیهانی وه‌رگرتینه، ژوانا خه‌لاتێ ره‌خنه‌گرێن نێڤده‌وله‌تی ل فبسته‌ڤالا كارلۆڤی ل وه‌لاتێ چیكێ، خه‌لاتێ باشترین سیناریۆ ل فیسته‌ڤالا تیران ل وه‌لاتێ ئه‌لبانیا، خه‌لاتێ باشترین فلم ل فیسته‌ڤالا فیكتۆریا ل كه‌نه‌دا، خه‌لاتێ باشترین فلم ل فیسته‌ڤالا سانتابار ل وه‌لاتێ ئه‌مریكا و فیسته‌ڤالا قاهیره، هه‌روه‌سا خه‌لاتێ ژۆری یێ فیسته‌ڤالا مۆنس ل به‌لجیكا، خه‌لاتێ باشترین فلم ل فیسته‌ڤالا له‌نده‌ن، ئه‌ڤه بۆ جارا دویێ یه ئیراق فلمێن شه‌وكه‌ت ئه‌مین كوركی بۆ خه‌لاتێ ئۆسكارێ به‌ربژێر دكه‌ت، جارا ئێكێ ل سالا 2015 بوو ب فلمێ بیره‌وه‌ریێن سه‌ر به‌ری.
