به‌شار یێ به‌رهه‌ڤیان بۆ ڤه‌كرنا پێشانگه‌ها خوه یا پێنجێ دكه‌ت
ئه‌ڤرۆ، شاهۆفه‌رید:
شێوه‌كار به‌شار خێروللا د دیداره‌كێ دا بۆ به‌رپه‌رێ هونه‌ر یێ رۆژناما ئه‌ڤرۆ گۆت: ئه‌ڤه بۆ ده‌مێ 38 سالانه كارێ هونه‌رێ شێوه‌كاری دكه‌م، ئه‌ندامێ دو سه‌ندیكایێن هونه‌رمه‌ندامه ل كوردستانێ تایێ دهۆكێ و ل پارێزگه‌ها نه‌ینه‌وا، نوكه به‌رهه‌ڤیان دكه‌م بۆ پێشانگه‌ها خوه یا پێنجێ ل دهۆكێ، ئه‌ڤه د ده‌مه‌كی دایه كو به‌ری نوكه من پشكداری د چه‌ندین پێشانگه‌هێن هه‌ڤپشك دا ژی كریه دووماهی پشكداریا من به‌ری هه‌یڤه‌كێ بۆ ل پارێزگه‌ها نه‌ینه‌وا، داخوازنامه‌ك بۆ من ژ وه‌لاتێ ئیماراتێ هاتیه كو ل هه‌یڤا شوباتا سالا داهاتی پشكداریێ د پێشانگه‌هه‌كا شێوه‌كاری دا بكه‌م.
ناڤهاتی گۆت: د ناڤ كه‌ڤالێن خوه دا گرنگیێ دده‌مه ژیانا بیابانێ ره‌شمالا، ئه‌و كه‌لتوره من پێ خوه‌شه دا كو ره‌سه‌ناتیا خوه ژ ده‌ست نه‌ده‌ت، د ناڤ وان كه‌ڤالان دا نامه‌كا ره‌سه‌ناتیێ د گه‌هینم، شێوه‌كاری من بۆ گه‌له‌ك میرنشینان ژی كریه یا بابلی و شاشوری و یا نه‌ینه‌وا یا كه‌ڤنار، شێوه‌كاری راسته‌قینه كارێ نموونه ئه‌نجامدده‌ت بێ كه‌ره‌ستێن بها گران.
ل دووماهیێ به‌شاری گۆت: سه‌ندیكا هونه‌رمه‌ندان گه‌له‌ك یا هاریكاره بۆ ڤه‌كرنا پێشانگه‌ها وه‌كو دابنكرنا هۆلێ و راگه‌هاندنێ و ریكلامێ، ژ ده‌رڤه‌یی وه‌لاتی هه‌می مه‌زاختیێن پێشانگه‌هێ ژ لایێ شێوه‌كاری ڤه دهێنه دابینكرن و بها گه‌له‌ك د گرانن، گه‌لاریا دهۆكێ ژی هه‌رده‌م ده‌رگه‌هێن خوه بۆ شێوه‌كاران ڤه‌كرینه.
