په‌یوه‌ندیێن ئه‌مریكا و سعوودیێ ئالۆز دبن

ئه‌ڤرۆ:

به‌رپرسه‌كێ وه‌زاره‌تا ده‌رڤه‌ یا ئه‌مریكا راگه‌هاند كو ئه‌و ژ هه‌لوه‌ستێ سعوودیێ سه‌باره‌ت ب سیاسه‌تا وان یا په‌ترۆلێ گه‌له‌ك دلگرانن و كێمكرنا رێژه‌یا په‌ترۆلێ و هنارتنا وێ بۆ بازارێن جیهانێ ژ ئالیێ سعوودیێ ڤه‌ ب ته‌مامی ل دژی ئه‌مریكا یه‌، ژ به‌ر هندێ ژی ئه‌مریكا ژ سیاسه‌تا نها یا سعوودیێ دلگرانه‌ و هه‌كه‌ ره‌وش وه‌سا به‌رده‌وام بیت ئه‌مریكا دێ ل دژی سعوودیێ ده‌ست ب هنده‌ك پێنگاڤێن نوو كه‌ت.

هه‌مان به‌رپرسی ئه‌و یه‌ك ژی دیار كریه‌ كو سیاسه‌تا نها یا سعوودیێ د به‌رژوه‌ندیا رۆسیا دایه‌ و ئه‌و یه‌ك ژی بوویه‌ ئه‌گه‌رێ هندێ كو ئه‌مریكا ژ سعوودیێ تووره‌ ببیت، چونكی ئه‌مریكا به‌ری نها چه‌ندین جاران داخواز ژ سعوودیێ كریه‌ كو رێژه‌یا هنارتنا په‌ترۆلێ بۆ بازارێن جیهانێ زێده‌ بكه‌ت لێ نها سعوودیێ به‌رۆڤاژی داخوازیا ئه‌مریكا بزاڤان دكه‌ت و ئه‌و یه‌ك ژی بوویه‌ جهێ دلگرانیا ئه‌مریكا و هه‌كه‌ سعوودیێ ل سه‌ر هه‌لوه‌ستێ خوه‌ یێ نها به‌رده‌وام بیت ره‌نگه‌ ئه‌مریكا فرۆشتنا چه‌كی بۆ سعوودیێ بده‌ته‌ راگرتن.

کۆمێنتا تە