چێكرنا دۆشاڤا تری ئه‌ڤ ساله كێمبوویه
ئاكرێ، ره‌مه‌زان زه‌كه‌ریا:
سالانه ل وه‌رزێ پایزێ جۆتیارێن ده‌ڤه‌را ئاكرێ ده‌ست ب چێكرنا دۆشاڤا تری دكه‌ن، به‌لێ ئه‌ڤ ساله كێمتر ژ هه‌موو سالێن بۆری دۆشاڤ هاتیه چێكرن.
رۆژناما محه‌مه‌د عه‌بدوللا، جۆتیاره‌كێ ده‌ڤه‌رێ یه، د دیداره‌كێ دا بۆ ئه‌ڤرۆ گۆت : سالانه ل وه‌رزێ پایزێ ئه‌م ده‌ست ب چێكرنا دۆشاڤێ دكه‌ین به‌لێ ئه‌ڤ ساله مه نه‌شیا چێكه‌ین، ئه‌و ژی ژبه‌ر تێكچوونا تریێ ره‌زی و هه‌رده‌مێ بارانێن باش ببارن و ئاڤ یا زۆر بیت به‌رهه‌مێ تری باش دبیت، به‌لێ ئه‌ڤ ساله گه‌له‌ك گه‌رم بوو تری خراب بوو نه‌شیا مفای ژ به‌رهه‌مێ ره‌زێ خوه بینن و تری بینه مال و بكه‌ینه و دۆشاڤ یان مێویژ و ئه‌م تریێ ره‌ش بۆ چێكرنا دۆشاڤێ ب كار دئینن، تریێ دی ژی دروسته به‌لێ تریێ ره‌ش خۆشتر و ب تامتره سه‌ره‌رای كۆ بهایێ دۆشاڤێ یێ باشه به‌لێ ئه‌ڤ ساله م ه‌نه‌شیا چێكه‌ین و سالێن بۆریی كیلۆ ب یازده هزاران بوو، ئه‌ڤساله ئه‌م بێ به‌هر بووین ژ مفایێن ره‌زی نه‌ك بۆ دۆشاڤێ مه نه‌شیا بینه مال بۆ خوارنێ ژی.
