سترانبێژێن كورد سترانان ب هه‌ست و سۆز دبێژن
هه‌ولێر، سۆلین سلێمان:
سترانبێژ (سه‌یران عوسمان) كو خه‌لكا باژێرێ بۆكانه ل رۆژهه‌لاتێ كوردستانی، د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه پتری یازده سالانه ئه‌و ل باژێرێ هه‌ولێرێ دژیت، هه‌روه‌سا چه‌ند سالن ده‌ست ب سترانگۆتنێ كری و به‌ری وی ده‌می پێشكێشكار بوو.
سه‌یرانێ گۆت: كلیپا منا ئێكێ ل سالا 2019 به‌لاڤ ببوو، هه‌ر ل ده‌ستپێكێ هه‌تا نوكه خێزانا من به‌رده‌وام پشته‌ڤانێن منن، ژبه‌ر هندێ دێ یا به‌رده‌وامبم و من هنده‌ك سترانێن نوو ل به‌ر ده‌ستن لێ هه‌تا ده‌مێ به‌لاڤكرنا وان دهێت دێ ئاشكراكه‌م، بۆ زانین ئه‌ز گه‌له‌ك حه‌ز ژ ده‌نگێن سترانبێژێن كورد دكه‌م، چنكو سترانان ب هه‌ست و سۆز دبێژن.
