سترانبێژین مه ب هونه‌ری دژین
دهۆك، هه‌رهین محه‌مه‌د:
سترانبێژ (نیوار دۆسكی) د دیداره‌كێ دا بۆ رۆژناما ئه‌ڤرۆ گۆت: ئه‌ز بتنێ سترانێن ده‌وات و شه‌هیانان دبێژم، ب تایبه‌ت ژی یێن سترانێن دیارحه‌سه‌ن، چونكو سترانێن سه‌رده‌مانه‌ن و حه‌زژێ دكه‌م و جوداهیه‌كا مه‌زن هه‌یه د ناڤبه‌را ده‌واتێن نوكه و یێن به‌رێ و ده‌واتێن نوكه ئامیرێن پێشكه‌فتی هه‌نه و كارێ سترانبێژی ب ساناهی كریه، به‌لی َدیجه‌یا كارێ مه یێ كێمكری و پتریا خه‌لكی ل ده‌واتێن خوه دیجه‌یا دبه‌ن، چونكو بۆ وان ئه‌رزانتره.
نیواری گۆت: گه‌له‌ك جاران سترانبێژ دبێژن چوونا ده‌واتان كارتێكرنێ ل ده‌نگێ سترانبێژی دكه‌ن، به‌لێ سترانا ده‌واتان بۆ من گه‌له‌ك خۆشتره و دبینم ل ده‌واتان ده‌نگێ سترانبێژی ڤه دبیت و راهێنانه‌كه بۆ ده‌نگێ سترانبێژی و گه‌له‌ك جاران هونه‌رمه‌ندێن مه دبێژن مرۆڤ نه‌شێت ب هونه‌ری نانی َرۆژانه په‌یداكه‌ت و دبینم هه‌موو سترانبێژێن مه ب هونه‌ری دژین و هه‌كه ب هونه‌ری نه‌ژین بلا كار نه‌كه‌ن و گه‌له‌ك یا ب زه‌حمه‌ته ژی مرۆڤ كارێ هونه‌ری بكه‌ت و بشێت بهێلیت.
